Ekklesiastes 1:3 - An Bibel Kernewek 20234 (Kernewek Kemmyn)

³ Pandr'yw an gwayn dhe vebyon den der oll aga ober kales a wrons i dhe oberi omma yn-dann an howl?

Ekklesiastes 1:3 Iomraidhean Croise

Ekklesiastes 2:11

Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.

Ekklesiastes 2:18

Ha my a gasas oll ow lavur a wrug vy dhe oberi yn-dann an howl, rag my dhe asa y frut dhe dhen a dheu wosa ow thermyn vy.

Ekklesiastes 2:19

Ha piw a woer mar pydh an den na po fur po foll? Byttegyns ev a wra maystri war frut ow lavur oll a wrug vy dhe oberi mar fur yn-dann an howl. Hemma ynwedh yw euveredh.

Ekklesiastes 2:22

Pandr'a gyv den dhiworth oll y lavur ha dhiworth oll yeunadow y golonn a wra ev dhe oberi yn-dann an howl?

Ekklesiastes 3:9

Pana wayn a gyv an oberer der oll y lavur?

Ekklesiastes 4:3

Mes gwell ages an dhew ma yw neb na veu genys hwath, drefenn na wrug ev gweles an drogober yw gwrys yn-dann an howl.

Ekklesiastes 4:7

Ha my a dreylyas ha gweles ken tra euver yn-dann an howl:

Ekklesiastes 5:16

Hemm yw anfeus arall – kepar dell dheuth, yndella yth a. Pandr'yw an gwayn dhe neb a ober rag an gwyns?

Ekklesiastes 5:18

My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 7:11

Furneth gans ertach yw da, hag yma gwayn dhe'n re a wel an howl.

Ekklesiastes 9:13

Hemma ynwedh re welis a-dro dhe furneth yn-dann an howl, hag yth hevelis dhymm bos neppyth a vri:

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Ekklesiastes 9:6

An pyth a garens i war-barth ha'n pyth a gasens i hag a berthens avi orto res eth lemmyn dhe goll, ha nyns eus rann dhedha bys vykken a bup-tra yw gwrys yn-dann an howl.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Habakkuk 2:13

A nyns yw dhiworth Arloedh an luyow may lavur an poblow rag tan ha mayth yw an kenedhlow skwithys rag travyth?

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

1 Korinthianys 16:16

my a'gas ynni may fowgh gostydh dhe dus a'n par na, ha dhe bub kesoberer ha lavuryer.