Efesianys 6:9 - An Bibel Kernewek 20234 (Kernewek Kemmyn)

⁹ Ha'n vestrysi, gwrewgh hwi an keth tra dhedha heb godros, ow kodhvos bos an Arloedh anedha i hag ahanowgh hwi yn nev, ha nyns eus faverans ganso.

Efesianys 6:9 Iomraidhean Croise

Nehemia 5:5

Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Salmow 140:12

My a woer y hwra an Arloedh pledya ken an den gwann, ha mentena gwir an voghosogyon.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 3:6

Ha piwpynag na goettho dhe'n leur ha gul gologhas a vydh y'n keth eur na tewlys yn kres fornes a dan ow flammya.’

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 22:10

Hag yth eth an gethwesyon na yn-mes dhe'n fordhow ha kuntell oll an dus a wrussons aga dyerbynna, an re dhrog ha da kekeffrys; ha hel an demmedhyans a veu lenwys a westoryon.

Matthew 22:8

Ena yn-medh ev dh'y gethwesyon, “An demmedhyans yw parys, mes nyns o gwiw an dus a via gelwys.

Matthew 24:48

Mes mars yw an kethwas na drog, hag a lever yn y golonn, “Delatya a wra ow mester y dhevedhyans”,

Matthew 24:51

Ev a wra y gessydhya yn tynn hag ordena dhodho le gans an falswesyon. Ena y fydh oelva ha skrinva dyns.

Matthew 7:12

Kekemmys ytho a vynnowgh orth tus gul ragowgh hwi, henna gwrewgh ragdha i; rag hemm yw an lagha ha'n brofoesi.

Luk 6:31

Ha herwydh an pyth a vynnowgh tus dhe wul orthowgh hwi, gwrewgh hwi ynwedh y'n keth vaner orta i.

Yowann 13:13

Hwi a'm gelow Mester hag Arloedh, ha hwi a gews yn ta, rag yndella yth ov.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Romanyon 2:11

Rag nyns eus faverans gans Duw.

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 7:22

Rag neb a veu gelwys y'n Arloedh, hag ev keth, den livrys an Arloedh yth yw; keffrys neb o den livrys pan veu gelwys, keth Krist yth yw.

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Kolossianys 3:25

Rag neb a wra kamm a wra degemmeres kessydhyans an pyth a wrug ev kamm, ha nyns eus faverans.

Kolossianys 4:1

A vestrysi, rewgh dh'agas kethwesyon an dyghtyans yw ewn hag ekwal, rag hwi a woer bos Mester genowgh hwi ynwedh yn nev.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Jamys 2:8

Mar kollenwowgh yn hwir an lagha ryel war-lergh an skryptor, Ty a wra kara dha hynsa kepar dell gerydh dha honan, yn ta y hwrewgh hwi.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

1 Samuel 15:17

Yn-medh Samuel, ‘Kynth es distyr y'th lagas dha honan, a ny veus gwrys penn loethow Ysrael? An Arloedh a'th untyas myghtern war Ysrael.