Efesianys 6:4 - An Bibel Kernewek 20234 (Kernewek Kemmyn)

⁴ Ha tasow, na wrewgh serri agas fleghes mes megewgh i yn dyskybleth ha dyskans an Arloedh.

Efesianys 6:4 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

Lavarow Koth 19:18

Kessydh dha vab hedre vo govenek, na sett dha golonn war y vernans.

Lavarow Koth 22:15

Follneth yw kelmys yn kolonn maw, mes gwelenn dyskybleth a's herdh pell dhiworto.

Lavarow Koth 22:6

Dysk maw y'n fordh ewn, ha pan vo koth ny wander dhiworti.

Lavarow Koth 29:15

An welenn ha'n geredh a re furneth, mes flogh gesys heb dyskybleth a dhre meth dh'y vamm,

Lavarow Koth 29:17

Keredh dha vab hag ev a re dhis powes; i a re delit dhe'th enev.

Ysay 38:19

Den bew, ny yll marnas den bew dha wormel, avelov vy hedhyw; tasow a wra godhvedhys dhe vebyon dha wiryonedh.

Efesianys 6:3

‘may fo da genes ha may fewi termyn hir war an nor.’

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 6:7

ha hwi a's daslever dhe'th vebyon ha kewsel anedha pan esedhydh y'th chi, ha pan gerdhydh y'n fordh, ha pan wrowedhydh, ha pan sevydh;

Kolossianys 3:21

A dasow, na brovokyewgh agas fleghes, na vons i digolonnek.

2 Timothi 1:5

ow perthi kov a'th fydh heb toell na gil a re beu kyns y'th vamm-wynn Lois hag y'th vamm Ewnike hag a drig ynnos jy, sur ov vy.

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Breusysi 13:12

Ena Manoagh a leveris, ‘Lemmyn pan ello dha eryow ha bos gwir, pyth a vydh rewl bewnans an mab, ha pandr'a vydh y ober?’