Efesianys 6:23 - An Bibel Kernewek 20234 (Kernewek Kemmyn)

²³ Kres dhe'n vreder ha kerensa gans fydh dhiworth Duw an Tas ha'n Arloedh Yesu Krist.

Efesianys 6:23 Iomraidhean Croise

Jenesis 43:23

Hag yn-medh ev, ‘Kres dhywgh hwi. Na berthewgh own. Agas Duw ha Duw agas tas re ros dhywgh tresor yn agas seghyer. Agas mona a dheuth dhymmo vy.’ Ena ev a dhros Simeon yn-mes dhedha.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 15:33

Ha'n Duw a gres re bo genowgh hwi oll. Amen.

1 Korinthianys 1:3

Gras dhywgh hwi ha kres dhiworth Duw agan Tas ha'n Arloedh Yesu Krist.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Galatianys 6:16

Ha kemmys a gerdh war-lergh an rewl ma, re bo kres warnedha ha tregeredh, ha war Ysrael Duw.

Efesianys 6:24

Re bo gras gans pubonan a gar agan Arloedh Yesu Krist gans kerensa anvarwel.

1 Thessalonianys 5:8

Mes, ha ni mebyon an jydh, bedhen divedhow, ow kwiska lurik fydh ha kerensa, hag avel basnett, govenek selwyans.

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

2 Thessalonianys 3:16

Ha'n Arloedh a gres y honan roy dhywgh kres pup-prys yn pub maner. Re bo an Arloedh genowgh hwi oll.

1 Timothi 1:14

Ha gras agan Arloedh a wrug palshe gans fydh, ha'n kerensa usi yn Krist Yesu.

1 Timothi 1:3

Dell y'th pysis ha my ow mos dhe Makedonia, gwra gortos yn Efesus mayth erghi dhe sertan re na rollons ken dyskas,

1 Timothi 5:8

Mes den mar ny dharbar dh'y gerens ev, ha dres oll dh'y deylu ev, ev re naghas an fydh ha gweth es diskryjyk yw ev.

1 Peder 5:14

Salusewgh an eyl y gila gans bay kerensa. Kres dhywgh hwi oll usi yn Krist.

3 Yowann 1:14

My a wayt y'th welliv yn skon, ha ni a gews fas orth fas.

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

1 Samuel 25:6

Salusewgh ev yndella: “Kres dhis, ha kres dhe'th chi, ha kres dhe oll a bewos.