Efesianys 5:4 - An Bibel Kernewek 20234 (Kernewek Kemmyn)

⁴ Na vedhes fara plos na kows gokki na ges, nag yw gwiw, mes grasyans yn aga le.

Efesianys 5:4 Iomraidhean Croise

Salmow 33:1

Lowenhewgh y'n Arloedh, hwi an re wiryon. Gormola yw gwiw dhe'n re ewnhynsek.

Salmow 92:1

Da yw grassa dhe'n Arloedh, ha kana gormola dhe'th hanow, an Ughella,

Lavarow Koth 12:23

Den doeth a gudh y wodhvos, mes brys fellyon a dhyllo aga follneth.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 26:19

yndella yw neb a doell y gentrevek hag a lever, ‘Nyns esov marnas ow kul ges!’

Ekklesiastes 10:13

Dalleth geryow y anow yw follneth, ha diwedh y gows yw muskokter glan.

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Mark 7:22

avoutri, krefni, sherewneth, falsuri, drokhwans direwl, tebel-lagas, blasfemi, goeth, follneth;

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

2 Korinthianys 1:11

ha hwi ynwedh orth agan gweres dre bysadow ragon, may hwodhvo lies den gras a-barth dhyn a'n ro grassyes res dhyn dre bysadow lies den.

2 Korinthianys 9:15

Grasow re bo dhe Dhuw a'y ro na yllir y dheskrifa.

Efesianys 1:16

ny asav grassa ragowgh, orth agas kampoella y'm pysadow,

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

Kolossianys 3:8

Mes lemmyn gorrewgh dhe-ves hwi ynwedh pup-tra: sorr, konnar, atti, blasfemi, kows plos yn-mes a'gas ganow.

1 Thessalonianys 3:9

Py gras ytho a yllyn ni daskorr dhe Dhuw ahanowgh hwi oll, hag a'n lowena may lowenhyn ragowgh a-dherag agan Duw,

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

Filemon 1:8

Rakhenna, kyn fo dhymm bolder lowr yn Krist dhe worhemmynna dhis an pyth a dhegoedh,

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

2 Peder 2:7

ha mar sawyas Lot gwiryon, grevys gans an bewedh plos a'n re dhrog,

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.