Efesianys 5:3 - An Bibel Kernewek 20234 (Kernewek Kemmyn)

³ Mes fornikasyon ha pub plosedhes po krefni, na vedhens henwys yn agas mysk, kepar dell dhelledh dhe syns.

Efesianys 5:3 Iomraidhean Croise

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Salmow 119:36

Pleg ow holonn troha'th tustuniow, ha na wra hy flegya troha krefni.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 20:17

Na wra hwansa chi dha gentrevek na hwansa gwreg dha gentrevek, na'y was, na'y vaghteth, na'y ojyon, na'y asen, na travyth eus dhe'th kentrevek.

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Lavarow Koth 28:16

Rewler heb konvedhes a gyv dre nerth, mes neb a gas gwayn anewn a'n jevydh bewnans hir.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Levitikus 15:18

Ha mar krowedh gour gans benyn, hag y fydh dyllans has, i a omwolgh aga dew yn dowr ha pesya avlan bys y'n gorthugher.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Niverow 25:1

Hag Ysrael ow triga yn Shittim, an bobel a dhallathas horya gans mowesi Moab.

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Oberow 15:20

mes may skriffyn dhedha i dhe goheles defolansow idolys, ha dijastita, ha kig tegys, ha goes.

Oberow 20:33

Ny hwensis vy arghans nag owr na dillas denvyth;

Romanyon 1:29

Gorlenwys ens a bub kammhynseth, droktra, krefni, atti. Leun a avi, moldra, strif, toell, spit, hwystroryon yns,

Romanyon 16:2

rag ma's degemmerrewgh y'n Arloedh, dell dhelledh dhe'n syns, ha sevel rygdhi yn pypynag a's teffo edhomm anodho, rag hi re beu gwithyades dhe lies ha dhymmo vy ynwedh.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

1 Korinthianys 10:8

Ny goedh dhyn omri dhe fornikasyon, par dell wrug rann anedha, hag yn unn jydh y ferwis tri mil warn ugens.

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

1 Korinthianys 6:13

‘Boes rag an benn-gasenn, ha'n benn-gasenn rag boes’, ha Duw a dhistru ha'n eyl ha'y gila. Nyns yw an korf rag fornikasyon mes rag an Arloedh, ha'n Arloedh rag an korf.

1 Korinthianys 6:18

Gohelewgh fornikasyon. Py pegh arall pynag a wrello den, yn-mes a'n korf yma; mes neb yw dijast a begh erbynn y gorf y honan.

2 Korinthianys 12:21

own a'm beus, pan dhov arta, ow Duw dhe'm uvelhe a-ragowgh, ha my dhe alari a-dro dhe lies a'n re neb re beghas kyns, heb kavoes edrek a'n plosedhes, nag a fornikasyon na drokhwans re wrussons.

Efesianys 5:12

Rag meth yw poran kewsel a'n taklow yw gwrys gansa yn-dann gel.

Efesianys 5:5

Godhvydhewgh hemma: denvyth ow kul fornikasyon, na den plos, na den kraf, henn yw gordhyer idolys, ny'n jeves eretons yn gwlaskor Krist ha Duw.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

1 Thessalonianys 4:3

Rag hemm yw bodh Duw, agas sansheans, hwi dhe omwitha rag fornikasyon,

1 Thessalonianys 4:7

Rag ny'gan gelwis Duw dhe vostedhes, mes yn sansoleth.

1 Timothi 2:10

mes gans gwriansow da, dell yw gwiw rag benynes ow professya revrons dhe Dhuw.

1 Timothi 3:3

heb eva re nag omdhal, mes klor, ha digavyllek, heb kara mona;

1 Timothi 6:10

Rag fenten pub drog yw kerensa mona ha der an hwans ma nebes tus res eth yn sowdhan dhiworth an fydh ha gwana aga honan gans lies galar.

2 Timothi 3:2

rag tus a vydh omgaroryon, karoryon mona, goethus, ughel aga fenn, ow tespitya tus erell, diwostydh orth kerens, heb godhvos gras, ansans,

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,

Titus 2:3

Y'n keth vaner lavar dhe'n benynes koth mayth omdhokkons dell dhegoedh dhe sansoleth heb sklandra, heb bos kethesow dhe veur a win, mes dyskadoresow a'n pyth yw da,

Ebrowyon 12:16

ma na vo nagonan plosek nag ansans avel Esaw a werthas y wir-genesik rag unn prys boes.

Yoshua 7:21

pan welis y'n preydh mantell deg a Shinar, ha dew kans shekel a arghans, ha barr a owr deg ha dew-ugens shekel y boes, my a's hwansas ha'ga hemmeres. Kudhys yns y'n dor a-ji dhe'm tylda, gans an arghans a-woeles.’

1 Peder 5:2

bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;

2 Peder 2:10

ha dres oll an re ow mos war-lergh an kig yn drokhwans plos hag ow tispresya awtorita. Bold ha goethus, ny berthons own a vlasfemya eledh splann an nev,

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

Diskwedhyans 2:14

Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.

Diskwedhyans 2:21

Ha spas a res vy dhedhi dhe gemmeres edrek, mes ny vynn hi kemmeres edrek a'y fornikasyon.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

Diskwedhyans 9:21

Ha ny gemmersons edrek a'ga ladhvaow na a'ga fystri, na a'ga fornikasyon, na a'ga ladrans.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.