Efesianys 5:10 - An Bibel Kernewek 20234 (Kernewek Kemmyn)

¹⁰ ow previ an pyth yw plegadow gans an Arloedh.

Efesianys 5:10 Iomraidhean Croise

Salmow 19:14

Bedhes lavarow ow ganow ha prederow ow holonn plegadow a-ragos, A Arloedh ow nerth ha'm dasprenyas.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Romanyon 14:18

neb a serv Krist yndella yw plegadow gans Duw ha kevys da gans tus.

Filippianys 1:10

rag dissernya an taklow yw an gwella, may fewgh lel ha divlam bys yn dydh Krist,

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

1 Thessalonianys 5:21

Prevewgh pup-tra, synsewgh an pyth yw da.

1 Timothi 2:3

Da yw henna, ha plegadow dhe Dhuw agan Selwador,

1 Timothi 5:4

Mes mars eus fleghes po fleghes-wynn dhe neb gwedhwes, dyskens i kyns oll gul aga dever kryjyk dh'aga theylu i hag attyli dh'aga thas ha'ga mamm, rag plegadow a-dherag Duw yw hemma.

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;

1 Peder 2:20

Rag pandr'a dal mar perthowgh pan owgh hwi gweskys wosa gul kamm? Mes mar kwrewgh yn ta ha perthi godhevyans, gras gans Duw yw hemma.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Samuel 17:39

Davydh a wrogysas y gledha war y arvow, hag yn euver ev a assayas kerdhes, rag nyns o ev usys dhedha. Ha Davydh a leveris dhe Sowl, ‘Ny allav kerdhes gansa; rag nyns ov usys dhedha.’ Ytho Davydh a's removas anodho.