Efesianys 4:9 - An Bibel Kernewek 20234 (Kernewek Kemmyn)

⁹ An lavar ‘yskynna’ – pyth yw hemma, mar nyns yw, ev dhe dhiyskynna ynwedh dhe'n isella rannow a'n norvys?

Efesianys 4:9 Iomraidhean Croise

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Salmow 139:15

Nyns o ow eskern kudhys ragos, pan en vy formys yn-dann gel, gwiys yn konnyk yn rannow isella an nor.

Salmow 63:9

Mes an re a hwila ow enev rag y dhistrui yth ons yn rannow isella an nor.

Salmow 8:5

Ty re'n gwrug nebes isella ages an eledh, ha'y guruna gans golewder hag enor.

Eksodus 19:20

Ha'n Arloedh a dhiyskynnas war venydh Sinay, dhe benn an menydh; ha'n Arloedh a elwis Moyses dhe benn an menydh ha Moyses a yskynnas.

Lavarow Koth 30:4

Piw a yskynnas dhe nev hag a dhiyskynnas? Piw a guntellas an gwyns yn palv y dhorn? Piw a vaylyas an dowrow yn dillasenn? Piw a fondyas oll pennow an norvys? Pyth yw y hanow, ha pyth yw hanow y vab? Yn sur, ty a woer!

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ezekiel 31:14

Hemm yw ma na deffo an gwydh ryb an dowrow re ughel, ow settya aga thopp ynter an kommol. Na dyv gwydh nevra namoy dhe'n keth ughelder ma, oll an re a yv dowr; i oll yw destnys dhe'n mernans yn rannow isella an norvys; i a vydh yn mysk mebyon den, gans an re a dhiyskynn dhe'n pytt.

Matthew 12:40

Rag kepar dell esa Yona yn torr an morvil tri dydh ha teyr nos, yndella y fydh Mab an den tri dydh ha teyr nos yn kolonn an nor.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 6:33

Rag bara Duw yw ev neb a dheu yn-nans dhiworth nev hag a re bewnans dhe'n bys.’

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Yowann 6:41

Rakhenna an Yedhewon a grodhvolas warnodho, rag ev dhe leverel, ‘My yw an bara a dheuth yn-nans dhiworth nev’,

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

Yowann 6:58

Hemm yw an bara a dheuth yn-nans dhiworth nev. Nyns yw kepar ha pan dhybri an tasow, hag i a verwis; neb a dheber an bara ma a vew bynitha.’

Yowann 6:62

Pandra ytho mar kwelowgh Mab an den owth yskynna dhe'n tyller mayth esa kyns?

Yowann 8:14

Yesu a worthybis ha leverel dhedha, ‘Kyn tustuniav ahanav ow honan, ow dustuni yw gwir, rag my a woer a-ble teuth vy, ha ple'th av. Mes ny wodhowgh hwi a-ble esov ow tos na ple'th av.

Ebrowyon 2:7

Ty a'n gwrug rag termyn nebes isella ages an eledh, ty re'n kurunas gans golewder hag enor,

Ebrowyon 2:9

Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.