Efesianys 4:26 - An Bibel Kernewek 20234 (Kernewek Kemmyn)

²⁶ ‘Bedhewgh serrys ha na wrewgh pegha.’ Na wres an howl sedhi war agas sorr,

Efesianys 4:26 Iomraidhean Croise

Salmow 37:8

Treyl dhiworth sorr, ha gas koler; na vrogh, ma na wrylli drogober.

Salmow 4:4

Krenewgh, ha na beghewgh; kewsewgh yn agas kolonn war agas gweli, ha bedhewgh tawesek. Sela.

Eksodus 11:8

Hag oll dha servysi ma a wra diyskynna dhymm, hag omblegya dhymm, ow leverel, “Kewgh dhe-ves, ha'n bobel oll a'th hol.” Ha wosa henna yth av yn-mes.’ Hag ev eth a-dhiworth Faro yn sorr toemm.

Lavarow Koth 14:29

Gour neb yw lent ow serri a'n jeves konvedhes meur, mes neb a sorr yn fysk a ughelha follneth.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Lavarow Koth 25:23

Gwyns an gledhbarth a dhre glaw, ha taves spitus a dhre semlans serrys.

Ekklesiastes 7:9

Na fisten y'th spyrys dhe serri, rag sorr a bowes yn askra fellyon.

Niverow 20:24

‘Aron a vydh kuntellys dh'y bobel; rag ny wra entra an tir re res dhe vebyon Ysrael, drefenn hwi dhe rebellya erbynn ow gorhemmynn orth dowrow Meriba.

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Mark 10:14

Mes pan welas Yesu henna, ev a veu serrys, hag a leveris dhedha, ‘Gesewgh an fleghesigow dhe dhos dhymmo vy, ha na wrewgh aga lettya, rag dhe re a'n par ma yw gwlaskor Duw.

Mark 3:5

Ha wosa ev dhe vires a-dro orta gans sorr, hag ev grevys drefenn kaletter aga holonn, yn-medh ev dhe'n den, ‘Ystynn dha leuv.’ Hag ev a's ystynnas, ha'y leuv a veu restorys.

Dewteronomi 24:15

Ro dhodho y arveth y'n keth jydh ma'n dendilas, kyns es an howl dhe sedhi warnodho, rag boghosek yw, ha'y vewnans a greg warnodho; ken ev a elow war an Arloedh er dha bynn, hag y fydh peghes ynnos.

Jamys 1:19

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Jamys 1:20

Rag ny wra sorr gour avonsya ewnder Duw.

1 Samuel 20:34

Ytho Yonathan a sevis dhiworth an voes yn sorr fers ha ny dhybris boes vyth yn nessa dydh an mis, rag ev a veu grevys rag Davydh, ha drefenn y das dhe dhre disenor warnodho.