Efesianys 4:21 - An Bibel Kernewek 20234 (Kernewek Kemmyn)

²¹ – mara'n klewsowgh yn tevri, ha bos dyskys ynno, par dell usi an gwiryonedh yn Yesu,

Efesianys 4:21 Iomraidhean Croise

Salmow 45:4

Hag y'th veuredh marghok yn sewena drefenn gwirder ha klorder hag ewnder; ha'th leuv dhyghow a dhysk dhis taklow euthyk.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 10:27

Ow deves a glew ow lev, ha my a's aswonn, hag i a'm siw.

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Romanyon 10:14

Fatell yll tus gelwel war nebonan ma na gryssons ynno? Ha fatell yllir krysi dhe nebonan ma na glewas anodho; ha fatell yllir klewes heb pregowther?

2 Korinthianys 1:20

Rag ynno ev pub ambos Duw yw ‘Ya’; rakhenna, dredho ev yth yw ni dhe leverel ‘Amen’ dhe wolewder Duw.

2 Korinthianys 11:10

Ynnov vy yma gwiryonedh Krist, ma na vydh lettys ow bostyans yn powyow Aghaia.

Efesianys 1:13

yn neb hwi ynwedh, ow klewes an ger a wiryonedh, aweyl agas selwyans, yn neb hwi ynwedh ow krysi, a veu selys gans an Spyrys Sans ambosys,

Efesianys 2:17

Hag ev a dheuth dhe bregoth kres dhywgh hwi neb o pell, ha kres dhe neb o ogas,

Kolossianys 1:5

drefenn an govenek yw gwithys ragowgh y'n nevow, a glewsowgh kyns yn ger an gwir, an aweyl,

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.