Efesianys 4:14 - An Bibel Kernewek 20234 (Kernewek Kemmyn)

¹⁴ ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Efesianys 4:14 Iomraidhean Croise

Salmow 10:9

Ev a gontrewayt y'n gudhva avel lew yn fow; ev a gontrewayt rag may talghenno an boghosek, ev a dhalghenn an boghosek orth y denna yn y roes.

Salmow 59:3

Rag otta, i a gontrewayt ow enev; an re alloesek a omguntell er ow fynn. Heb kammweyth na pegh genev, A Arloedh,

Ysay 28:9

‘Dhe biw y tysk ev skians? ha dhe biw y styr ev an messaj? An re didhenys dhiworth leth, an re diberthys dhiworth an dhiwvronn?

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Matthew 11:7

Ha pan ens i yn-kerdh, Yesu a dhallathas kewsel orth an routhow a-dro dhe Yowann, ‘Pandra ethewgh yn-mes dhe'n gwylvos dh'y weles? Korsenn kryghyllys gans an gwyns?

Matthew 24:11

Ha lies profoes fals a sev, ha toella lies;

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Oberow 23:21

Ty ytho, na vydh toellys gansa; rag moy es dew-ugens gour anedha a vynn y gontrewaytya, neb re omgolmas yn-dann li na wrellens dybri nag eva bys pan y'n latthens, ha lemmyn parys yns i, ow kortos dha ervirans.’

1 Korinthianys 12:2

Dell wodhowgh, pan ewgh hwi paganys, dynys vewgh, ledys yn stray dhe idolys avlavar, yn py fordh pynag y fewgh ledys.

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

Galatianys 3:1

A hwi dus Galatia, dus foll! Piw re'gas husas, may feu diskwedhys dherag agas lagasow Yesu Krist dhe vos krowsys?

Efesianys 6:11

Gwiskewgh leun-arvwisk Duw may hallowgh settya orth towlow an jowl,

1 Timothi 3:6

Na vedhes ev dyskybel nowydh na goettho yn breus an jowl dre woeth.

2 Timothi 1:15

Ty a woer an re oll yn Asia dhe dreylya dhiworthiv, Fygelus ha Hermojenes yn aga mysk.

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

2 Timothi 4:3

Rag an termyn a dheu ma na berthons dyskas yagh, mes war-lergh aga hwansow, kuntell dyskadoryon ragdha aga honan a wrons i, ow kosa aga diwskovarn,

Ebrowyon 13:9

Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.

Jamys 1:6

Mes govynnes yn fydh heb doutya, rag neb a dhout yw kepar ha mordonn yw helghys ha tewlys der an gwyns.

Jamys 3:4

Mirewgh orth an gorholyon ynwedh. Mar vras kyn fons i ha herdhys gans gwynsow krev, lewys yns i gans lew pur vyghan ple fo ervirys gans an lewyader.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

1 Yowann 2:26

An re ma re skrifis dhywgh a-dro dhe'n re a vynnsa agas toella.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.