Efesianys 4:11 - An Bibel Kernewek 20234 (Kernewek Kemmyn)

¹¹ Hag ev a ros re dhe vos abesteli, re profoesi, re aweylers, re bugeledh ha dyskadoryon,

Efesianys 4:11 Iomraidhean Croise

2 Kroniklys 15:3

Termyn hir y feu Ysrael heb an gwir Dhuw, ha heb oferyas dhe dhyski, ha heb lagha,

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Oberow 13:1

Lemmyn y'n eglos yn Antiogh yth esa profoesi ha dyskadoryon, Barnabas, Simeon henwys Niger, Lukius a Kyrene ha Manaen koweth Herod an tetrargh a'y flogholeth, ha Sowl.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 21:8

Ha ternos ni eth yn-rag ha dos dhe Sesarea, ha ni eth yn chi Felip an aweyler, onan a'n seyth, ha triga ganso.

Romanyon 12:7

neb a serv, re serfyo; neb a dhysk, re dhysko;

1 Korinthianys 12:4

Lemmyn rohow a lies eghenn yma, mes an keth Spyrys;

Efesianys 2:20

drehevys war sel an abesteli ha'n brofoesi, Krist Yesu y honan ow pos an pennmen.

Efesianys 3:5

na veu notys dhe vebyon den yn henedhow erell, kepar dell yw diskwedhys lemmyn dh'y abesteli sans, ha'y brofoesi y'n Spyrys,

Efesianys 4:8

Ytho leverys veu, ‘Wosa yskynna yn ughelder, ev a hembronkas prisnoryon, hag a ros rohow dhe dus.’

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

Ebrowyon 5:12

Rag kyn talvia dhywgh bos dyskadoryon erbynn an termyn ma, edhomm a'gas beus nebonan dhe dhyski dhywgh an kynsa elvennow a lavarow Duw. Edhomm a'gas beus a leth, yn le boes kales;

Lyther Yud 1:17

Hwi garadowyon, perthewgh kov a dharganow abesteli agan Arloedh Yesu Krist,

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 21:14

Ha fos an sita a's tevo dewdhek sel, hag ynna henwyn dewdhek abostol an Oen.