Efesianys 3:9 - An Bibel Kernewek 20234 (Kernewek Kemmyn)

⁹ ha golowi dhe bub den towl an mysteri kudhys dres an oesow yn Duw neb a wrug pup-tra,

Efesianys 3:9 Iomraidhean Croise

Salmow 33:6

Dre er an Arloedh an nevow a veu gwrys, hag oll aga lu gans anall y anow.

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Matthew 10:27

An dra a dherivav dhywgh y'n tewlder henna leverewgh y'n golow, ha'n dra a glewowgh hwystrys y'n skovarn gwrewgh y arma war bennow an chiow.

Matthew 13:35

may fe kollenwys an dra kewsys gans an profoes ow leverel, ‘My a iger ow ganow yn parabolennow, my a dheriv taklow a veu kelys a-dhia fondyans an bys.’

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 28:19

Ewgh ytho ha gwra dhe oll an kenedhlow bos dyskyblon, orth aga besydhya yn hanow an Tas, ha'n Mab, ha'n Spyrys Sans,

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Yowann 10:30

My ha'm Tas yw onan.’

Yowann 5:17

Mes Yesu a worthybis dhedha, ‘Ow Thas a ober bys lemmyn, ha my ynwedh a ober.’

Yowann 5:19

Ena Yesu a worthybis ha leverel dhedha, ‘Yn hwir, yn hwir y lavarav dhywgh, ny yll an Mab gul travyth y honan, marnas an pyth a wel ev an Tas dhe wul; rag pypynag a wra ev, an Mab ynwedh a'n gwra.

Oberow 15:18

godhvedhys a-dhia dermyn pell.”

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

1 Korinthianys 2:7

Mes ni a gews furneth Duw, kevrinek ha kudh, a ragdhestnas Duw kyns an oesow rag agan glori.

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,

Efesianys 3:2

mar klewsowgh a'n charj dhe venystra gras Duw a veu res dhymmo ragowgh,

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:26

an mysteri kudhys dhiworth an oesow ha'n henedhow, mes diskwedhys lemmyn dh'y syns,

Kolossianys 3:3

Rag hwi re verwis, ha'gas bewnans yw kudhys gans Krist yn Duw.

Kolossianys 4:3

pysewgh y'n keth termyn ragon ni ynwedh, mayth igorro Duw dhyn daras rag an ger dhe gewsel mysteri Krist, mayth esov yn kolmow ragdho,

2 Thessalonianys 2:13

Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth rag selwyans dre sansheans an spyrys ha kryjyans y'n gwir.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

1 Peder 1:20

Ragaswonnys ova kyns selyans an bys, mes diskwedhys y'n termynyow diwettha ragowgh hwi,

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 17:8

An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.

Diskwedhyans 4:11

‘Gwiw osta, agan Arloedh ha'gan Duw dhe dhegemmeres gordhyans hag enor ha galloes, rag ty a wrug pup-tra ha dre dha vodh yth esens i, hag y fons i gwrys.’