Efesianys 2:2 - An Bibel Kernewek 20234 (Kernewek Kemmyn)

² may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Efesianys 2:2 Iomraidhean Croise

Job 1:16

Pan esa ev hwath ow kewsel, y teuth onan moy ha leverel, ‘Tan Duw a goedhas dhiworth an nev hag a loskas an deves ha'n servysi, ha'ga howlleski, ha my ow honan re dhienkas rag leverel dhis.’

Job 1:19

hag otta, gwyns meur a dheuth dhiworth an difeythtir, ha gweskel peswar korn an chi, hag ev a goedhas war an dus yowynk, ha marow yns, ha my ow honan re dhienkas rag leverel dhis.’

Job 1:7

An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Job 31:7

mar treylis ow hamm a-denewen dhiworth an fordh, mars eth ow holonn war-lergh ow dewlagas, po mar lenas namm dhe'm diwleuv;

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Ysay 30:1

Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Ysay 57:4

Piw y hwredh ges anodho? Piw yth igerydh dha vin er y bynn ha gorra dha daves mes? A nyns owgh hwi fleghes a gammweythres, has a wowegneth?

Yeremia 23:10

Rag an tir yw leun a avoutroryon; drefenn an molleth an tir a dhesygh, ha peurvaow an difeythtir yw krinys. Aga hyns yw drog, ha'ga nerth nyns yw ewn.

Hosea 10:9

A-dhia dhydhyow Gibea y peghsys, a Ysrael; ena y sevsons. A ny wrug bresel drehedhes dhe'n dhrogoberoryon yn Gibea?

Levitikus 11:16

an strus, hok an nos, an woelann, ha falghunes a bub eghenn,

Matthew 11:19

Mab an den a dheuth ow tybri hag owth eva hag yn-medhons i, “Otta gargasenn ha penn-medhow, koweth tolloryon ha peghadoryon.” Mes furneth yw prevys ewn gans hy oberow.’

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Matthew 13:38

ha'n gwel yw an bys, ha'n has da yw mebyon an wlaskor; mes an ivra yw mebyon an tebel el,

Mark 4:19

ha fienasow an bys ma, ha dynyans rychys, ha hwans a daklow erell ow tos a-ji, a dag an ger, ha ny dheg frut.

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

Luk 22:31

Hag yn-medh an Arloedh, ‘Simon, Simon, otta Satnas re hwilas agas kroedra kepar hag ys,

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Yowann 13:2

Pan esens ow tybri soper, wosa an jowl dhe worra yn kolonn Yudas mab Simon Skaryoth dh'y drayta,

Yowann 13:27

Ha wosa an soubenn Satnas a entras ynno. Ytho Yesu a leveris dhodho, ‘An pyth a wredh, gwra yn skon.’

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Yowann 16:11

hag a-dro dhe vreus, rag pryns an bys ma yw breusys.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Yowann 8:23

Hag yn-medh ev dhedha, ‘Hwi yw dhiworth a-woeles, my yw a-wartha. Hwi yw a'n bys ma, nyns ov vy a'n bys ma.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Oberow 19:35

Ha wosa koselhe an routh, skrifennyas an sita a leveris, ‘Gwer Efesus, piw eus na woer bos sita an Efesianys gwithyas tempel an Artemis veur ha'y imaj a goedhas dhiworth nev?

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

1 Korinthianys 5:10

– kammenn nag yw ow styr an re dhijast y'n bys ma, po tus pith ha ladron wyls, po gordhyoryon idolys, rag y'n kas na res via dhywgh mos mes a'n bys.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Efesianys 1:21

pell a-ugh pub prynsipata ha potestas ha dominasyon ha pub hanow yw henwys, hag y'n oes ma hag y'n oesow a dheu;

Efesianys 2:11

Rakhenna, perthewgh kov agas bos Jentilys kyns y'n kig, gelwys ‘an Antrodreghyans’ gans an re yw gelwys ‘an Trodreghyans’, gwrys y'n kig gans dorn,

Efesianys 2:13

Mes lemmyn yn Krist Yesu hwi, neb a vedhewgh pell yn termyn eus passyes, eth ha bos ogas, dre woes Krist.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Efesianys 5:6

Na wres denvyth agas toella dre lavarow gwag; rag drefenn an taklow ma y teu sorr Duw war vebyon diwostytter.

Efesianys 5:8

rag kyns yth ewgh hwi tewlder, mes lemmyn golow y'n Arloedh. Kepar ha fleghes golow gwrewgh hwi kerdhes

Efesianys 6:12

rag nyns yw agan kas erbynn goes ha kig, mes erbynn prynsipatys, erbynn potestatys, erbynn rewloryon an bys tewl ma, erbynn luyow spyrysel a dhroktra y'n tylleryow nevek.

Kolossianys 1:21

Ha hwi, ytho, re beu alyons kyns, hag eskerens y'n brys, dre dhrog wriansow;

2 Timothi 4:10

rag Demas a'm gasas, ow kara an bys ma, ha mos dhe Thessalonika, Kreskens dhe Galatia, Titus dhe Dalmatia.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

Jamys 1:7

Na dybes an den ma ev dhe dhegemmeres travyth dhiworth an Arloedh.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Peder 1:14

Kepar ha fleghes wostydh, na wrewgh war-lergh hwansow an termyn a'gas fowt a skians,

1 Peder 4:3

Rag lowr yw an termyn usi tremenys dhe wul war-lergh towl an Jentilys ow pesya yn leshyans, drokhwansow, medhwenep, kevewiow gwyls, eva re ha gordhyans idolys yw erbynn lagha.

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

1 Yowann 3:10

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

1 Yowann 5:4

Rag piwpynag a vo genys a Dhuw a feth an bys. Ha hemm yw an budhogoleth a fethas an bys: agan fydh.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 16:17

Ha'n seythves a skoellyas y fiol war an ayr, ha lev ughel a dheuth yn-mes a'n tempel dhiworth an tron ow leverel, ‘Gwrys yw!’

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;