Efesianys 2:14 - An Bibel Kernewek 20234 (Kernewek Kemmyn)

¹⁴ Rag ev yw agan kres, neb a wrug an dhew onan, wosa terri paros an rannans, an kas yntredhon, der y gig,

Efesianys 2:14 Iomraidhean Croise

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Mika 5:5

Ha'n den ma a vydh kres. Pan dheffo Asshur yn agan tir ha trettya war agan gweres, ni a dhrehav er y bynn seyth bugel hag eth penntern a dus;

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Luk 1:79

dhe ri golow dhe'n re esedhys yn tewlder hag yn skeus ankow, ha dhe hembronk agan treys yn fordhow kres.’

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 10:16

Hag yma dhymm deves erell, nag yns a'n gorlann ma; res yw dhymm aga dri ynwedh, hag i a glew ow lev; hag y fydh unn flokk, unn bugel.

Yowann 11:52

ha ny via unnsel rag an genedhel, mes rag kuntell war-barth yn onan fleghes Duw neb a veu skattrys.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 10:28

ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Romanyon 5:1

Rag a-ban on justifiys dre fydh, kres a'gan beus gans Duw der agan Arloedh Yesu Krist

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Efesianys 2:15

ow tiswul an lagha a arghadow ha rewlys, may hwrella a'n dhew unn den nowydh ynno ev, ow kul kres,

Efesianys 2:17

Hag ev a dheuth dhe bregoth kres dhywgh hwi neb o pell, ha kres dhe neb o ogas,

Efesianys 3:15

mayth yw henwys warnodho pub teylu yn nev ha nor,

Efesianys 4:16

dhiworth neb, an korf dien, junys ha synsys war-barth dre bub giowenn ow skoedhya war-lergh oberyans 'vas pub rann, a wra dhe'n korf tevi, rag y dhrehevyans yn kerensa.

Kolossianys 1:20

ha dredho dhe unnverhe pup-tra dhodho, po taklow war an nor po taklow y'n nevow, ow kul kres dre woes y grows.

Kolossianys 2:20

Mar kwrussowgh merwel gans Krist dhiworth elvennow an bys, prag yth owgh hwi gostydh dhe rewlys, kepar ha pan vewgh ow pewa y'n bys?

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 7:2

ha dhodho Abraham a gevrennas ‘degves rann a bup-tra.’ Ev yw kynsa, dre dreylyans y hanow, ‘myghtern ewnder’, hag ena ynwedh, myghtern Salem, henn yw ‘myghtern kres.’