Efesianys 1:17 - An Bibel Kernewek 20234 (Kernewek Kemmyn)

¹⁷ may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Efesianys 1:17 Iomraidhean Croise

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Job 42:5

My re glewsa ahanas dre glewans an skovarn, mes lemmyn ow dewlagas re'th welas;

Salmow 24:10

Piw yw an Myghtern a wolewder? Arloedh an luyow, ev yw an Myghtern a wolewder. Sela.

Salmow 24:7

Drehevewgh agas pennow, hwi borthow, ha bedhewgh drehevys, hwi dharasow heb diwedh, ha'n Myghtern a wolewder a dheu a-bervedh.

Salmow 29:3

Yma lev an Arloedh war an dowrow; an Duw a wolewder a wra taran; yma an Arloedh war an dowrow meur.

Eksodus 28:3

Ha ty a gews orth oll an re yw abel, neb a lenwis vy gans skentoleth, may hwrons gwiskasow Aron dh'y sakra dhe'm servya avel oferyas.

Lavarow Koth 18:15

Brys poellek a gyv godhvos, ha skovarn tus fur a hwila godhvos.

Lavarow Koth 2:5

ena ty a gonvedh own an Arloedh ha kavoes aswonnvos a Dhuw.

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Yeremia 2:11

A janjyas kenedhel hy duwow, kyn na vons duwow? Mes ow fobel re janjyas hy golewder rag an pyth nag yw dhe les.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 9:24

Mes gesewgh an re a vost dhe vostya yn hemma, ev dhe'm konvedhes hag aswonn, ow bos an Arloedh; a wra tregeredh, gwirvreus, hag ewnder war an nor: rag y'n traow ma my a lowenha, yn-medh an Arloedh.

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 16:17

Ha Yesu a worthybis ha leverel dhodho, ‘Gwynn dha vys, Simon mab Yona, rag kig ha goes ny dhiskudhas henna dhis, mes ow Thas eus y'n nevow.

Matthew 20:33

Yn-medhons dhodho, ‘Arloedh, agan dewlagas dhe vos igerys.’

Matthew 6:13

Ha na wra agan dri yn temptasyon, mes delirv ni dhiworth drog.

Luk 12:12

rag an Spyrys Sans a dhysk dhywgh y'n eur na pandr'a goedh dhywgh y leverel.’

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 16:3

Ha hemma a wrons rag ny aswonnsons naneyl an Tas na my.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

Oberow 7:2

Hag yn-medh ev: ‘Breder ha Tasow, goslowewgh. An Duw a wolewder a omdhiskwedhas dhe Abraham hag ev yn Mesopotamia, kyns ev dhe driga yn Haran,

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 15:6

rag may hwormollowgh war-barth gans unn ganow Duw ha Tas agan Arloedh Yesu Krist.

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

1 Korinthianys 14:6

Lemmyn, breder, mar tov vy dhywgh ow kewsel yn tavosow, fatell vydhav dhe les dhywgh marnas my a gews orthowgh yn diskwedhyans, po yn godhvos, po yn profoesans, po yn dyskas?

1 Korinthianys 2:10

Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw.

1 Korinthianys 2:8

Nagonan a rewlysi an oes ma ny gonvedhas hemma; rag mar konvetthens, ny growssens an Arloedh a wormola.

2 Korinthianys 12:1

Y telledh my dhe vostya; nyns yw dhe les, byttegyns my a wra dos dhe welesigethow ha diskwedhyansow a'n Arloedh.

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 3:5

na veu notys dhe vebyon den yn henedhow erell, kepar dell yw diskwedhys lemmyn dh'y abesteli sans, ha'y brofoesi y'n Spyrys,

Efesianys 4:13

erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Filippianys 3:15

An re ahanan ytho yw gwrys perfydh, prederyn hemma; ha mar prederowgh ken, hemma ynwedh Duw a dhiskwedh dhywgh.

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

Jamys 2:1

Ow breder, na synsewgh fydh agan Arloedh gloryus Yesu Krist, gans faverans dhe neb den.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

Diskwedhyans 7:12

ow leverel, ‘Amen. Bennath, ha gordhyans, ha furneth, ha grasyans, hag enor, ha nerth, ha galloes re bo dh'agan Duw trank heb worfenn. Amen.’