Efesianys 1:13 - An Bibel Kernewek 20234 (Kernewek Kemmyn)

¹³ yn neb hwi ynwedh, ow klewes an ger a wiryonedh, aweyl agas selwyans, yn neb hwi ynwedh ow krysi, a veu selys gans an Spyrys Sans ambosys,

Efesianys 1:13 Iomraidhean Croise

Salmow 119:43

Na gemmer an ger a wiryonedh yn-mes a'm ganow yn tien, rag my re fydhyas y'th vreusow.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Luk 11:13

Hwi ytho, ow pos drog, mar kodhowgh ri rohow da dh'agas fleghes, pygemmys moy y re an Tas a nev an Spyrys Sans dhe seul a wovynn orto!’

Luk 24:49

Hag otta, my a dhannvon dedhewadyow ow Thas warnowgh; mes hwi, gortewgh y'n sita bys pan vowgh gwiskys gans galloes dhiworth an ughelder.’

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 3:33

Neb a dhegemmer y dhustuni re worras y sel war hemma: Duw dhe vos lel.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Oberow 1:4

hag owth omguntell gansa, ev a erghis dhedha ma na dhibarthens a Yerusalem, mes gortos dedhewadyow an Tas, ‘hag a glewsowgh ahanav’, yn-medh ev;

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 4:11

Ev a'n jeva an tokyn a drodreghyans a-wosa, sel a'n ewnder a'n jevo seulabrys dre fydh hag ev hwath antrodreghys; may fo gwrys tas peub eus ow krysi kyn fo antrodreghys; may fo ewnder akontys dhedha i ynwedh.

Romanyon 6:17

Mes dhe Dhuw re bo grasow, rag hwi, a vedha kethyon dhe begh, yw devedhys ha bos gostydh a leun golonn dhe'n patron a dhyskas may fewgh delivrys dhodho,

2 Korinthianys 1:22

neb re'gan selyas ha ri dhyn mewgh an Spyrys yn agan kolonnow.

2 Korinthianys 6:7

yn gwiryonsys a gows, yn nerth Duw, der arvow a ewnder y'n dhorn dhyghow hag y'n dhorn gledh,

Galatianys 3:14

may teffo bennath Abraham dhe'n Jentilys yn Krist Yesu, may kemmerryn ni ambos an Spyrys dre fydh.

Efesianys 4:21

– mara'n klewsowgh yn tevri, ha bos dyskys ynno, par dell usi an gwiryonedh yn Yesu,

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

2 Timothi 2:15

Bydh freth dhe omdhiskwedhes kemmeradow dhe Dhuw, gonisyas heb meth, ow styrya yn ewn an ger a wiryonedh,

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.

Titus 2:11

Rag gras Duw re omdhiskwedhas, ow tri selwyans dhe bub den oll

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

Jamys 1:21

Ytho, gorrewgh dhe-ves pub plosedhes ha drog dres eghenn, ha degemmerewgh yn uvel an ger plynsys ynnowgh, a yll selwel agas enev.

1 Peder 2:10

Ny vewgh hwi pobel seulabrys, mes lemmyn pobel Duw owgh hwi. Ny dhegemmersowgh piteth, mes lemmyn piteth re dhegemmersowgh.

Diskwedhyans 7:2

Ha my a welas ken el ow tos yn-bann dhiworth an howldrevel ha sel an Duw bew ganso, hag ev a armas, ughel y lev, dhe'n peswar el may feu grontys dhedha pystiga an dor ha'n mor,