Ebrowyon 9:4 - An Bibel Kernewek 20234 (Kernewek Kemmyn)

⁴ a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;

Ebrowyon 9:4 Iomraidhean Croise

1 Myghternedh 7:50

an hanafow, an gwelsigow-porv, an bollow, an skudellow rag ynkys, ha'n padellow-tan, a owr pur; ha pannellow darasow an chi pervedhel, an tyller an moyha sans, ha rag darasow chi an tempel, a owr.

1 Myghternedh 8:21

My re brovias tyller rag an argh, hag ynni kevambos an Arloedh a wrug gans agan tasow pan y's dros yn-mes a bow Ejyp.’

1 Myghternedh 8:9

Nyns esa travyth y'n argh marnas an dhew legh a veyn re worras Moyses ena yn Horeb, le may hwrug an Arloedh kevambos gans fleghes Ysrael, pan dheuthons yn-mes a bow Ejyp.

2 Kroniklys 5:10

Nyns esa travyth y'n argh marnas an dhiw leghenn a worras Moyses ena yn Horeb, le ma kevambosas an Arloedh gans pobel Ysrael wosa i dhe dhos yn-mes a Ejyp.

Eksodus 26:33

Ha ty a wra kregi an vayl a'n baghow, ha dri argh an dustuni di a-ji dhe'n vayl; ha'n vayl a wra ranna ragos an tyller sans dhiworth an moyha sans.

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Eksodus 32:15

Ha Moyses a dreylyas ha diyskynna a'n menydh gans diw leghenn an dustuni yn y dhorn, leghennow a veu skrifys war an dhew du; war an eyl tu ha war y gila y fons skrifys.

Eksodus 34:29

Pan dhiyskynnas Moyses a venydh Sinay, ha diw leghenn an dustuni yn y dhorn dell dhiyskynnas a'n menydh, ny wodhya Moyses kroghen y fas dhe splanna, rag ev re bia ow kewsel gans Duw.

Eksodus 37:25

Ev a wrug alter an ynkys a brenn shittim; hy hys o unn kevelin, ha'y les o unn kevelin; pedrek o, ha dew gevelin o hy ughelder; hy hern o a unn rann gensi.

Eksodus 39:35

argh an dustuni gans hy gwelynni ha'n dregeredhva;

Eksodus 40:3

Ha ty a worr ynno argh an dustuni, ha ty a gudh an argh gans an vayl.

Levitikus 16:12

Hag ev a gemmer ynkyslester lenwys a golennow tan dhiworth an alter dherag an Arloedh, ha dhew dhornas a ynkys hweg, gweskys munys, ha'y dhri a-ji dhe'n vayl.

Niverow 17:10

Ha'n Arloedh a leveris dhe Moyses, ‘Daskorr gwelenn Aron a-rag an dustuni, dhe vos gwithys avel tokyn rag an vebyon a dhiwostytter, may hwrylli diwedh a'ga krodhvolyow warnav, ma na varwons.’

Niverow 17:5

Ha gwelenn an gour a dhewisav a wra egina; yndellma my a wra dhe hedhi a-dhiwarnav krodhvolyow mebyon Ysrael may krodhvolons warnas.

Niverow 17:8

Ha'n vorow Moyses eth a-berth yn tylda an dustuni; hag otta, gwelenn Aron rag chi Levi re eginsa ha dyllo eginyow, ha dri bleujennow yn-mes; ha hi a dhug alamandow adhves.

Dewteronomi 9:11

Dhe benn dew-ugens dydh ha dew-ugens nos an Arloedh a ros dhymm an dhiw leghenn a ven, leghennow an kevambos.

Dewteronomi 9:9

Pan yskynnis dhe'n menydh dhe dhegemmeres an leghennow a ven, leghennow an kevambos a wrug an Arloedh genowgh, my a wortas y'n menydh dewgens dydh ha dewgens nos; ny dhybris bara nag eva dowr.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 8:3

Ha ken el a dheuth ha sevel orth an alter, hag ynkyslester owrek ganso, ha meur a ynkys a veu res dhodho ma'n proffya gans pysadow an syns oll war an alter owrek esa a-dherag an tron.