Ebrowyon 9:28 - An Bibel Kernewek 20234 (Kernewek Kemmyn)

²⁸ yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Ebrowyon 9:28 Iomraidhean Croise

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Levitikus 10:17

‘Prag na wrussowgh hwi dybri an offrynn pegh y'n tyller sans? rag yth yw an moyha sans, res dhywgh dhe berthi kammweyth an kuntelles ha gul dehwelyans ragdha dherag an Arloedh.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Niverow 18:1

Ytho an Arloedh a leveris dhe Aron: Ty ha'th vebyon ha chi dha das genes a wra doen kammweyth an sentri; ha ty ha'th vebyon genes a wra doen kammweyth agas oferyaseth.

Niverow 18:23

Mes an Levysi a wra servis tylda an kuntelles, hag i a wra doen aga hammweyth; y fydh ordenans bys vykken der agas henedhow; hag yn mysk mebyon Ysrael ny's tevydh eretons.

Niverow 7:33

unn tarow yowynk, unn hordh, unn oen gorow a unn bloedh, rag offrynn leskys;

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Yowann 14:3

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Oberow 1:11

neb a leveris, ‘Gwer Galile, prag y sevowgh hwi ow mires troha nev? An Yesu ma, neb re beu kemmerys yn-bann dhiworthowgh yn nev, a dheu y'n keth maner ma'n gwelsowgh ow mos yn nev.’

Romanyon 3:25

neb a worras Duw yn-rag avel tregeredhva dre fydh yn y woes, dhe dhiskwedhes y ewnder, ow kasa heb kessydhyans an peghosow re bia gwrys kyns;

Romanyon 5:15

Mes nyns yw an ro rydh haval dhe'n kammweythres. Rag mar merwis lies dre dreuspass unn den, kemmys moy re balshas gras Duw ha'n ro rydh yn gras an unn den Yesu Krist rag lies.

Romanyon 6:10

Dell verwis, y ferwis ev unnweyth dhe begh, mes dell vew, y few ev dhe Dhuw.

Romanyon 8:23

mes moy es henna, ni agan honan ynwedh, a'gan beus kynsa frut an Spyrys, ni agan honan a gyn ynnon agan honan dell wortyn gans mall adoptyans avel mebyon, daspren agan korf.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

1 Korinthianys 1:7

ma na fyllowgh hwi a ro spyrysel vyth, ha hwi ow kwaytya gans mall diskwedhyans agan Arloedh Yesu Krist.

1 Korinthianys 15:54

Ha pan wra an dra bodradow ma omwiska yn anpodredhes, ha'n dra varwel ma omwiska yn anvarwoleth, ena y hwyrvydh an ger yw skrifys, ‘Ankow yw kollenkys yn trygh.’

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

2 Thessalonianys 2:1

Ni a'gas pys a vreder, a-dro dhe dhevedhyans agan Arloedh Yesu Krist ha'gan kuntellyans war-barth dhodho,

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 10:10

Ha der an bodh na, ni re beu sanshes, der offrynn korf Yesu Krist unnweyth rag oll.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Ebrowyon 7:27

Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.

Ebrowyon 9:25

Ha nyns o dhe omoffrynna menowgh, par dell enter an arghoferyas a-ji dhe'n Tyller Sans pub blydhen gans goes dhiworth re erell;

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

2 Peder 3:12

ow kortos ha spedya devedhyans dydh Duw, dredho may fydh nevow diswrys gans tan, ha'n elvennow ow leski a wra teudhi?

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

1 Yowann 3:5

Ha hwi a woer y feu diskwedhys rag doen agan peghosow dhe-ves; hag ynno nyns eus peghes.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.