Ebrowyon 9:24 - An Bibel Kernewek 20234 (Kernewek Kemmyn)

²⁴ Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

Ebrowyon 9:24 Iomraidhean Croise

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Eksodus 28:12

Ha ty a worr an dhew ven war skoedhlienyow an efod, avel meyn kov rag mebyon Ysrael; hag Aron a wra doen aga henwyn war y dhiwskoedh a-rag an Arloedh yn kovadh.

Eksodus 28:29

Yndellma Aron a wra doen henwyn mebyon Ysrael y'n lurik a vreus war y golonn pan a dhe'n tyller sans dhe dhri kov heb hedhi a-dherag an Arloedh.

Zekaria 3:1

Ena ev a dhiskwedhas dhymm Yoshua an arghoferyas ow sevel a-rag el an Arloedh, ha Satnas ow sevel a-dhyghow dhodho dh'y guhudha.

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Mark 14:58

‘Ni a'n klewas ow leverel, “My a wra diswul an tempel ma re beu gwrys gans diwla ha kyns penn trydydh my a dhrehav onan arall, gwrys heb diwla.” ’

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Luk 24:51

Ha pan esa orth aga benniga, ev a dhibarthas dhiworta hag y feu degys yn-bann dhe'n nev.

Yowann 16:28

My a dheuth dhiworth an Tas, ha devedhys ov y'n bys; arta my a as an bys, ha mos dhe'n Tas.’

Yowann 6:62

Pandra ytho mar kwelowgh Mab an den owth yskynna dhe'n tyller mayth esa kyns?

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

Romanyon 8:33

Piw a guhudh an re dewisys gans Duw? Duw yw hag a akwit.

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

Kolossianys 3:2

Gwrewgh vri a'n taklow war-vann, a-der a'n taklow war an nor.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

Ebrowyon 6:20

le mayth eth Yesu avel ragreser ragon ni, wosa dos ha bos arghoferyas bys vykken war-lergh ordyr Melkisedek.

Ebrowyon 8:2

menyster y'n sentri ha'n gwir dabernakel, nag yw drehevys gans den mes gans an Arloedh.

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

Ebrowyon 9:1

Lemmyn, hwath an kynsa kevambos a'n jevo ordenansow rag gordhyans ha sentri y'n bys.

Ebrowyon 9:23

Ytho y feu res, a'n unn tu, bos glanhes toknys an traow nevek y'n gis ma, mes an traow nevek aga honan gans sakrifisow gwell ages an re ma.

Ebrowyon 9:9

(hag yw parabolenn rag an oes a-lemmyn). Herwydh hemma, rohow ha sakrifisow yw offrynnys na yllons perfydhhe kowses an gordhyer,

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.

Diskwedhyans 8:3

Ha ken el a dheuth ha sevel orth an alter, hag ynkyslester owrek ganso, ha meur a ynkys a veu res dhodho ma'n proffya gans pysadow an syns oll war an alter owrek esa a-dherag an tron.