Ebrowyon 9:12 - An Bibel Kernewek 20234 (Kernewek Kemmyn)

¹² ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

Ebrowyon 9:12 Iomraidhean Croise

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Levitikus 16:15

Ena ev a ladh bogh an offrynn pegh yw rag an bobel, ha dri y woes a-ji dhe'n vayl, ha gul an keth tra gans an goes na dell wrug gans goes an lodhen, ha'y skoellya war an dregeredhva, ha dherag an dregeredhva.

Levitikus 4:3

mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Levitikus 8:2

Kemmer Aron ha'y vebyon ganso ha'n dillas ha'n oyl untyans, ha lodhen rag an offrynn pegh, ha dew hordh ha kanstellas a vara heb goell;

Levitikus 9:15

Hag ev a dhros offrynn an bobel, ha kemmeres bogh offrynn pegh an bobel ha'y ladha ha'y offrynna rag pegh, kepar ha'n kynsa.

Zekaria 3:9

Awotta'n men a worris a-rag Yoshua! Yma seyth lagas war unn men, ha my a wra gravya skrifa warnodho, yn-medh Arloedh an luyow, ha my a wra remova pegh an tir ma yn unn jydh.

Mark 3:29

mes neb a wrello blasfemi erbynn an Spyrys Sans ny'n jevydh gevyans bynitha, mes yw kablus a beghes nevra a bes’

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Kolossianys 1:14

yn neb y'gan beus daspren, gevyans peghosow.

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 10:19

Ytho, breder, a-ban y'gan beus fydhyans dhe entra dhe'n sentri dre woes Yesu,

Ebrowyon 10:4

Rag ny yll goes terewi na gever dilea peghosow.

Ebrowyon 13:12

Yndellma, Yesu a wodhevis yn-mes a'n yet rag sanshe tus der y woes.

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Ebrowyon 7:27

Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.

Ebrowyon 9:13

Rag mar kyll goes gever ha terewi, ha lusu lejek skoellys war dus dhefolys, sanshe dhe lanheans an kig,

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

Ebrowyon 9:19

Rag pan veu leverys gans Moyses pub gorhemmynn a'n lagha dhe'n bobel oll, ev a gemmeras goes leughi ha gever, gans dowr ha gwlan kogh ha hyssop, ha skoellya goes ha war an lyver y honan ha war an bobel oll,

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Ebrowyon 9:7

mes a-ji dhe'n nessa, nyns a marnas an arghoferyas, hag ev marnas unnweyth y'n vlydhen, ha nyns a heb kemmeres goes hag a offrynn ragdho y honan, ha rag peghosow an bobel gwrys dre wall.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;