Ebrowyon 9:1 - An Bibel Kernewek 20234 (Kernewek Kemmyn)

¹ Lemmyn, hwath an kynsa kevambos a'n jevo ordenansow rag gordhyans ha sentri y'n bys.

Ebrowyon 9:1 Iomraidhean Croise

Eksodus 25:8

Ha gas i dhe wul dhymm sentri may trikkiv yn aga mysk.

Ezekiel 43:11

Ha mar perthons meth drefenn pup-tra a wrussons, diskwedh dhedha furv an tempel, y aray, y fordhow mes ha'y entransow – oll y laghys, oll y ordenansow, ha'y desin kowal. Skrif hemma a-rag aga dewlagas, may hwitthons ha siwya an desin kowal hag oll y ordenansow, ha'ga gul.

Levitikus 18:30

Ytho synsewgh ow charj, ma na wryllowgh travyth a'n ordenansow kasadow a'n par ma a veu gwrys kyns hwi dhe dhos, nag omdhefola dredha. An Arloedh agas Duw ov vy.

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Niverow 9:12

Ny wrons i gasa travyth anodho bys y'n myttin, na terri askorn anodho; war-lergh oll an ordenans rag an pask i a'n gwith.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Romanyon 9:4

Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

Kolossianys 2:8

Bedhewgh war na wrello denvyth agas kemmeres yn keth dre filosofi ha toell gwag, war-lergh hengov mab-den, war-lergh elvennow an bys, a-der war-lergh Krist;

Ebrowyon 8:13

Ow kewsel a gevambos nowydh, ev re dheklaryas an kynsa dhe vos koth. Ha'n pyth yw deklarys koth ha gyllys koth yw ogas dhe vones dhe goll.

Ebrowyon 8:2

menyster y'n sentri ha'n gwir dabernakel, nag yw drehevys gans den mes gans an Arloedh.

Ebrowyon 8:7

Rag mar pe an kynsa kevambos na dinamm, ny via tyller rag an nessa.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.