Ebrowyon 8:9 - An Bibel Kernewek 20234 (Kernewek Kemmyn)

⁹ dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.

Ebrowyon 8:9 Iomraidhean Croise

Jenesis 19:16

Mes ev a dhelatyas, ytho an wer a settyas dalghenn yn y leuv ha leuv y wreg ha leuv y dhiw vyrgh, a-ban gemmeras an Arloedh truedh anodho; hag i a'n dros yn-mes, ha'y worra mes a'n sita

Job 8:20

‘Otta, ny skon Duw den divlam, na ny dhalghenn leuv drogoberoryon.

Salmow 105:43

Hag ev a dhros y bobel yn-mes gans lowena, an re dhewisys gans garmow a lowender.

Salmow 77:20

Ty a hembronk dha bobel avel deves dre leuv Moyses hag Aron.

Salmow 78:57

Mes i a gildennas hag omdhegi yn fals avel aga thasow; i a dreylyas a-denewen avel gwarak lows.

Eksodus 32:8

i re dreylyas a-denewen yn uskis a'n fordh a worhemmynnis dhedha; i re wrug dhedha leugh teudh, ha'y wordhya ha sakrifia dhodho, ha leverel, “An re ma yw dha dhuwow, A Ysrael, a'th tros yn-mes a bow Ejyp.” ’

Eksodus 34:10

Hag ev a leveris, Otta, my a wra dhis kevambos. A-rag oll dha bobel my a wra anethow a'n par na vons gwrys war oll an norvys nag yn py kenedhel bynag; hag oll an bobel mayth esos yn aga mysk a wra gweles ober an Arloedh rag yth yw tra euthyk hag a wrav genes.

An Gan a Ganow 8:5

Piw yw hemma, ow tos yn-bann dhiworth an gwylvos, ow poesa war hy haradow? Yn-dann an avalenn my a'th wrug dhe dhifuna; ena dha vamm a'th tineythis, ena yth esa hi yn lavur neb a'th omdhuk.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Ysay 51:18

Nyns eus denvyth dh'y hembronk yn mysk oll an vebyon re omdhuk; nyns eus denvyth dh'y synsi er an dhorn yn mysk oll an vebyon re vagas.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Kynvannow 4:16

Fas an Arloedh re wrug aga skattra, ny vir orta namoy, ny enorsons fasow oferysi, ny faversons henavogyon.

Ezekiel 16:59

Rag yndellma y lever an Arloedh Duw: My a wra genes kepar dell wrussys, rag ty dhe dhispresya an ti, ow terri an kevambos.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Malaki 2:13

An nessa dra ma hwi a wra: hwi a worher alter an Arloedh gans dagrow, gans oelva ha galar, a-ban na vir orth an offrynn namoy, na'n kemmer gans plesour dhiworth agas diwleuv.

Mark 8:23

Hag ev a gemmeras an den dall er an leuv, ha'y hembronk mes a'n dre; ha wosa ev dhe drewa war y dhewlagas, ha gorra y dhiwla warnodho, ev a wovynnas orto, ‘A welydh tra?’

Oberow 13:11

Ha lemmyn, otta, yma leuv an Arloedh warnas, ha dall vydhydh heb gweles an howl rag termyn.’ Ha hware niwl ha tewlder a goedhas warnodho hag ev eth a-dro yn-dann hwilas tus dh'y ledya er an leuv.

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

Oberow 9:8

Sowl a sevis dhiworth an dor ha pan veu igerys y dhewlagas, ny welas travyth; hag orth y ledya er an leuv, i a'n dros yn Damaskus.

Galatianys 4:24

An re ma yw leverys avel allegori; rag an re ma yw dew gevambos, honna dhiworth menydh Sinay, ow tineythi rag kethneth, yw Hagar.

Dewteronomi 29:1

An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.

Dewteronomi 29:12

rag mayth entrowgh yn kevambos an Arloedh dha Dhuw hag yn y volleth usi an Arloedh dha Dhuw ow kul genes hedhyw,

Dewteronomi 29:25

Hag y leverons, ‘Drefenn i dhe asa kevambos an Arloedh Duw a'ga thasow, a wrug gansa pan y's dros mes a bow Ejyp.