Ebrowyon 8:6 - An Bibel Kernewek 20234 (Kernewek Kemmyn)

⁶ Mes lemmyn, Krist re gavas menystrans hag yw hwath bryntinna ages an onan koth a-ban yw ev an mayn a gevambos gwell, selys war ambosow gwell.

Ebrowyon 8:6 Iomraidhean Croise

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Luk 22:20

Hag yn keth vaner an hanaf wosa i dhe dhybri, ow leverel, ‘An hanaf ma yw an kevambos nowydh y'm goes vy, yw skoellys a-barth dhywgh.

Romanyon 9:4

Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

1 Timothi 2:5

Rag yma unn Duw hag unn mayn yntra Duw ha mab-den, an den Krist Yesu,

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 7:22

Hemma a wra Yesu an mewghyer a gevambos gwell.

2 Peder 1:4

Dredha ev re ros dhyn ambosow drudh ha pur vras, may hyllowgh dredha kevrenna yn natur Duw, wosa diank dhiworth an plosedhes usi y'n bys dre dhrog hwansow.