Ebrowyon 8:5 - An Bibel Kernewek 20234 (Kernewek Kemmyn)

⁵ I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

Ebrowyon 8:5 Iomraidhean Croise

1 Kroniklys 28:12

ha'n towl a bup-tra esa yn y vrys rag klosyow chi an Arloedh ha rag oll an chambouryow a-derdro, rag tresorvaow chi Duw, ha rag tresorvaow an rohow sakrys;

1 Kroniklys 28:19

‘Oll hemma,’ yn-medh Davydh, ‘my a'm beus yn skrif dhiworth leuv an Arloedh warnav, hag ev a ros dhymm konvedhes yn oll manylyon an towl.’

Eksodus 25:40

Ha gwayt aga gul war-lergh an patron ragdha, a veu diskwedhys dhis war an menydh.

Eksodus 25:9

Herwydh pup-tra a dhiskwedhav dhis a-dro dhe batron an tabernakel, ha'y vebel, yndella ty a'n gwra.

Eksodus 26:30

Ha ty a wra drehevel an tabernakel herwydh an ragdho re beu diskwedhys dhis war an menydh.

Eksodus 27:8

Ty a's gwra kow, gans plenkys; dell veu diskwedhys dhis war an menydh, yndella y fydh gwrys.

Niverow 8:4

Ha hemm o kreft an kantoler, ober mortholys yn owr; a'y droes dh'y vleujennow, yth o ober mortholys; war-lergh an patron a dhiskwedhas an Arloedh dhe Moyses, yndellma ev a wrug an kantoler.

Matthew 2:12

Ha gwarnyes dre hunros na wrellens dehweles dhe Herod, i a omdennas dh'aga fow war fordh arall.

Oberow 7:44

‘Yth esa dh'agan tasow tylda an dustuni y'n gwylvos dell erghis ev neb a leveris dhe Moyses, may fe gwrys war-lergh an patron re welsa.

Kolossianys 2:17

hag yw skeus a daklow a dheu, mes an substans yw a Grist.

Ebrowyon 10:1

Rag an lagha, na'n jeves marnas skeus a'n traow mas dhe dhos a-der an purra imaj a'n traow ma, ny yll nevra, der an keth sakrifisow yw offrynnys blydhen wosa blydhen heb lett, perfydhhe an re a dheu nes.

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 13:10

Ni a'gan beus alter ma na's teves an re a serv an tabernakel an gwir dhe dhybri anodho.

Ebrowyon 9:9

(hag yw parabolenn rag an oes a-lemmyn). Herwydh hemma, rohow ha sakrifisow yw offrynnys na yllons perfydhhe kowses an gordhyer,

Yoshua 22:28

Ni a brederis, Mar pe henna leverys dhyn ni po dh'agan henedh y'n termyn a dheu, ni a allsa leverel, “Mirewgh orth semlans alter an Arloedh, a wrug agan tasow, a-der rag offrynnow leskys, na rag sakrifis, mes avel dustunier yntra ni ha hwi.”

Diskwedhyans 15:5

Ha wosa henna, my a welas, hag otta, tempel tylda an dustuni yn nev a veu igerys,