Ebrowyon 8:10 - An Bibel Kernewek 20234 (Kernewek Kemmyn)

¹⁰ Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.

Ebrowyon 8:10 Iomraidhean Croise

Eksodus 24:4

Ha Moyses a skrifas geryow oll a'n Arloedh. Hag ev a sevis myttin a-varr, ha drehevel alter dhe droes an menydh, ha drehevel dewdhek peulven, herwydh dewdhek loeth Ysrael.

Eksodus 24:7

Ena ev a gemmeras lyver an kevambos, ha'y lenna yn dewlagas an bobel; hag i a leveris, ‘Oll re gewsis an Arloedh, ni a'n gwra, ha ni a vydh gostydh.’

Eksodus 34:1

An Arloedh a leveris dhe Moyses, ‘Fols diw leghenn a ven haval dhe'n kynsa; ha my a wra skrifa war an leghennow an geryow esa war an kynsa leghennow, a derrsys.

Eksodus 34:27

Ha'n Arloedh a leveris dhe Moyses, Skrif an geryow ma; herwydh an geryow ma my re wrug kevambos genes ha gans Ysrael.

An Gan a Ganow 2:16

Ow haradow yw dhymmo vy, ha dhodho ev yth ov vy, ev a besk yn mysk an lili.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:38

I a vydh ow fobel, ha my a vydh aga Duw.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Ezekiel 39:22

Ha chi Ysrael a woer, my dhe vos an Arloedh aga Duw, a'n jydh na hag yn-rag.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Hosea 2:23

My a wra hy flansa ragov y'n tir. My a gemmer truedh a Lo-ruhama, ha leverel dhe Lo-ammi ‘Ty yw Ow fobel’; hag ev a lever, ‘Ty yw ow Duw.’

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Matthew 22:32

“My yw Duw Abraham ha Duw Ysak ha Duw Yakob”? Nyns yw ev Duw an re varow saw a'n re vew.’

Romanyon 11:27

ha hemma a vydh ow hevambos gansa pan dhegav aga feghosow dhiworta.’

1 Korinthianys 6:16

A ny wodhowgh, neb a gesun gans hora dhe dhos ha bos gensi unn korf? Rag dell yw skrifys, ‘An dhew a wra dos ha bos unn kig.’

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

Jamys 1:21

Ytho, gorrewgh dhe-ves pub plosedhes ha drog dres eghenn, ha degemmerewgh yn uvel an ger plynsys ynnowgh, a yll selwel agas enev.

1 Peder 1:23

Ny vewgh hwi dastineythys dre has a yll pedri, mes dre has na yll pedri dre er Duw, ow pewa hag ow pesya.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.