Ebrowyon 7:28 - An Bibel Kernewek 20234 (Kernewek Kemmyn)

²⁸ Rag an lagha a orden tus yn aga gwannder avel arghoferysi, mes ger an ti, hag a dheuth diwettha ages an lagha, a apoynt Mab re beu gwrys perfydh bys vykken.

Ebrowyon 7:28 Iomraidhean Croise

Salmow 110:4

An Arloedh re dos, ha ny dhenagh, ‘Ty yw oferyas bynitha war-lergh ordyr Melkisedek.’

Levitikus 4:3

mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Luk 13:32

Hag ev a leveris dhedha, ‘Kewgh dhe leverel dhe'n lowarn na, “Otta, my a dewl dywolow mes ha yaghhe tus hedhyw hag a-vorow, hag y'n tressa dydh my a gowlwra ow ober.

Yowann 19:30

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Ebrowyon 2:10

Rag yth o gwiw ev, mayth usi pup-tra yn few ragdho ha dredho, ow tri lies mab dhe glori, dhe wul awtour aga selwyans perfydh dre wodhevel.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 3:1

Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans;

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

Ebrowyon 5:5

Ytho ynwedh, ny wrug Krist omughelhe dhe vos gwrys arghoferyas, mes y feu res dhodho ganso ev neb a leveris dhodho, ‘Ty yw ow Mab, hedhyw my re'th tineythis’;

Ebrowyon 7:21

mes neb a veu gwrys oferyas gans ti – Duw a leveris dhodho, ‘An Arloedh re dos ha ny vynn treylya y vrys, “Ty yw oferyas bys vykken.” ’

Ebrowyon 7:24

mes ev a syns y soedh bys vykken, rag ev dhe besya bys vykken.

Ebrowyon 7:3

Ev yw heb tas na mamm nag aghskrif ha ny'n jeves na dallethvos dydhyow na diwedh bewnans, mes, haval dhe Vab Duw, ev a bes yn oferyas bys vykken.