Ebrowyon 6:7 - An Bibel Kernewek 20234 (Kernewek Kemmyn)

⁷ Rag tir re evas an glaw a goedh menowgh warnodho, hag a dhre yn-rag losow dhe les dhe'n re ragdha y feu gonedhys, a dhegemmer bennath Duw.

Ebrowyon 6:7 Iomraidhean Croise

Jenesis 1:11

Hag yn-medh Duw, ‘Gwres an nor dri gwels yn-rag, losow ow toen has, ha gwydh ow toen frut war-lergh aga hinda, hag ynno has, war an dor.’ Hag y feu yndella.

Jenesis 27:27

Ev a dheuth nes hag amma dhodho; hag ev a glewas blas y dhillas ha'y venniga, ha leverel, ‘Mir, blas ow mab yw kepar ha blas gwel re wrug an Arloedh y venniga.

Salmow 126:6

Neb eus ow mos yn unn oela, ow toen y sagh a has, a dheu arta gans garmow a lowena, ow tri ganso y vanalow.

Salmow 24:5

Ev a dhegemmer bennath dhiworth an Arloedh, hag ewnder dhiworth Duw y selwyans ev.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ezekiel 34:26

My a wra dhedha i ha'n tylleryow a-dro dhe'm bre bos bennath; ha my a dhannvon glaw yn-nans yn y seson; i a vydh kowasow a vennath.

Hosea 10:12

Hesewgh dhywgh agas honan yn ewnder, mysewgh yn tregeredh, hag aras gwrewgh agas gweres anerys; prys yw dhe hwilas an Arloedh, bys may teffo ha gul dhe wiryonedh koedha warnowgh avel glaw.

Levitikus 25:21

ena my a ergh ow bennath dhe dhos dhywgh y'n hweghves blydhen, ha hi a re dhywgh frut rag teyr blydhen.

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Matthew 7:8

rag peub neb a wovynn a dhegemmer, ha neb a hwila a gyv, ha dhe neb a gnouk y fydh igerys.

2 Timothi 2:6

Dhe'n tiek ow lavurya y koedh dhodho kavoes an kynsa rann a'n drevas.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.