Ebrowyon 6:4 - An Bibel Kernewek 20234 (Kernewek Kemmyn)

⁴ Rag ny yllir daskorr arta dhe edrek an re re beu unnweyth enowys, re dastyas an ro nevek ha re dheuth ha bos kevrennoryon a'n Spyrys Sans,

Ebrowyon 6:4 Iomraidhean Croise

Levitikus 13:55

Ha'n oferyas a hwither an pla wosa y vos golghys, ha mar ny wrug an pla chanjya y semlans ha ny wrug an pla omlesa, avlan yw. Ty a'n lesk y'n tan. Poder yw, war an keyn po war an tu a-rag kyn fo.

Levitikus 14:43

Ha mar teu an pla arta hag omdhiskwedhes y'n chi wosa bos an meyn kemmerys dhe-ves, ha wosa bos an chi krevys ha plastrys,

Niverow 24:3

hag ev a gemmeras yn-bann y gows, ha leverel, ‘Dargan Balaam mab Beor, ha dargan an gour igor y lagas,

Matthew 12:45

Ena yth a ha dri ganso seyth spyrys arall gweth agesso y honan, hag i ow mones a-bervedh, a drig ena; ha diwedh an den na yw gweth ages y dhalleth. Yndella ynwedh y fydh hi dhe'n henedh drog ma.’

Matthew 5:13

‘Hwi yw hoelan an bys; mes mar kollas an hoelan y vlas, py ganso y fydh ev sellys? Nyns yw 'vas na fella dhe dravyth marnas dhe vos tewlys dhe-ves ha trettys gans tus.

Yowann 15:6

Piwpynag na drikko ynnov yw tewlys dhe-ves kepar ha skorrenn, hag a wedher; tus a wra aga huntell, ha'ga thewlel y'n tan, ha leskys yns.

Yowann 3:27

Yowann a worthybis ha leverel, ‘Ny yll den degemmeres travyth, marnas henna a vo res dhodho dhiworth an nevow.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 6:32

Ytho Yesu a leveris dhedha, ‘Yn hwir, yn hwir y lavarav dhywgh, nyns o Moyses neb a ros dhywgh an bara a nev, mes ow Thas yth yw neb a re dhywgh an gwir vara a nev.

Oberow 10:45

Ha'n gryjygyon a'n trodreghyans neb re dhothya gans Peder a veu sowdhenys, drefenn bos ro an Spyrys Sans dinewys war an Jentilys ynwedh;

Oberow 11:17

Rakhenna mar ros Duw dhedha an keth ro kepar dell ros dhyn ni pan gryssyn y'n Arloedh Yesu Krist, piw en vy may hallen lettya Duw?’

Oberow 15:8

Duw, neb a aswonn kolonnow, a dhustunias ow ri dhedha an Spyrys Sans, dell wrug ev dhyn ni ynwedh,

Oberow 8:20

Mes yn-medh Peder dhodho, ‘Dhe goll re ylli ha genes dha arghans, drefenn ty dhe dybi y hyllydh kavoes ro Duw dre vona.

Romanyon 1:11

Rag my a yeun agas gweles rag may rynniv dhywgh neb ro spyrysel dh'agas krevhe,

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Galatianys 3:2

Hemma unnsel a vynnav dyski genowgh: A dhegemmersowgh hwi an Spyrys der oberow an lagha po dre grysi an pyth a glewsowgh?

Galatianys 3:5

Ev neb a dharbar ytho an Spyrys dhywgh hag oberi gans galloes ynnowgh, a wra ev y wul der oberow an lagha po dre fydhya y'n pyth a glewsowgh?

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 2:8

Rag gans gras hwi re beu selwys dre fydh; ha nyns yw hemma ahanowgh hwi, ro Duw yw ev.

Efesianys 3:7

Ha my eth ha bos gwas war-lergh ro an ras a Dhuw, res dhymm war-lergh oberyans y alloes.

Efesianys 4:7

Dhe bubonan ahanan, gras a veu res war-lergh musur ro Krist.

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 2:4

ha Duw a dhustunias ynwedh der toknys ha dre varthusyon ha dre wriansow nerthek a bub eghenn ha dre rohow an Spyrys Sans rynnys herwydh y vodh y honan.

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.