Ebrowyon 6:2 - An Bibel Kernewek 20234 (Kernewek Kemmyn)

² gans dyskans a-dro dhe vesydhyansow, gorrans diwleuv, dasserghyans an re varow, ha breus bys vykken.

Ebrowyon 6:2 Iomraidhean Croise

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 28:19

Ewgh ytho ha gwra dhe oll an kenedhlow bos dyskyblon, orth aga besydhya yn hanow an Tas, ha'n Mab, ha'n Spyrys Sans,

Matthew 3:14

Mes Yowann a'n lettyas, ow leverel, ‘Y koedhvia dhymm bos besydhys genes jy: ha ty, osta jy devedhys dhymmo vy?’

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Mark 7:4

ha pan dheffons a'n varghasla, marnas i a omwolgh, ny dhebrons; ha lies tra arall yma, re dhegemmersons ha gwitha: golghi hanafow ha pychers ha lestri a vrest ha gweliow.

Mark 7:8

Ha hwi, ow korra dhe denewen gorhemmynn Duw, a with hengov tus.’

Luk 11:38

Ha'n Farise pan y'n gwelas, marth a'n jeva na omwolghsa kynsa, kyns dybri.

Luk 12:50

Yma besydh dhymm dhe vos besydhys ganso, hag ass ov vy stroethys bys pan vo kowlwrys!

Luk 14:14

ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

Luk 3:16

Yowann a worthybis, ow leverel dhedha i oll, ‘My dhe wir a'gas besydh gans dowr; mes nebonan yw kreffa agesov vy a dheu, ma nag ov vy gwiw dhe dhigelmi kroen y eskisyow. Ev a'gas besydh y'n Spyrys Sans ha tan.

Yowann 1:33

Ha ny wrugavy y aswonn, mes neb a'm dannvonas dhe vesydhya yn dowr, ev a leveris dhymm, “Neb may hwelydh an Spyrys ow tos yn-nans warnodho hag ow kortos warnodho, hemm yw neb a vesydh gans an Spyrys Sans.”

Yowann 5:29

hag i a dheu yn-mes; an re a wrug da bys yn dasserghyans bewnans, an re a wrug drog bys yn dasserghyans dampnasyon.

Oberow 10:47

‘A yll nebonan difenn dowr dhe'n re ma na vons besydhys, neb re dhegemmeras an Spyrys Sans kepar ha ni ynwedh?’

Oberow 13:3

Ytho pan benyssens ha pysi i a worras aga diwla warnedha ha'ga dannvon yn-kerdh.

Oberow 16:15

Ha pan veu besydhys ha gensi hy mayni, hi a'gan pysis, ow leverel, ‘Mar synsowgh hwi ow bos lel dhe'n Arloedh, dewgh dhe ostya y'm chi’; ha hi a ynnias warnan.

Oberow 16:33

Y'n keth eur a'n nos ev a's kemmeras ha golghi aga goliow, hag ev hag oll y deylu a veu besydhys heb hokya.

Oberow 17:18

Mes re a'n filosoforyon Epikurek ha Stoik a geskewsi ganso, ha re a leveris, ‘Pandr'a vynn an klappyer diskians ma dhe leverel?’ Hag yn-medh re erell, ‘Dell hevel, pregowther a dhywolow astranj yw ev’; rag ev dhe bregoth Yesu ha'n dasserghyans.

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Oberow 23:6

Ena Powl, ow kodhvos bos re Sadukeow ha re erell Fariseow, a grias y'n konsel, ‘Breder, Farise ov vy, mab Fariseow; yth esov vy ow pos breusys a-dro dhe wovenek dasserghyans an re varow.’

Oberow 24:15

Yma dhymm govenek yn Duw, a waytyons i aga honan ynwedh, y fydh dasserghyans hag a'n re ewnhynsek hag a'n re gammhynsek.

Oberow 24:21

marnas y feu an unn lavar ma a griis vy, ow sevel yn aga mysk, “Yth esov vy ow pos breusys a-ragowgh hedhyw a-dro dhe dhasserghyans a'n re varow.” ’

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Oberow 26:8

Prag yth yw breusys genowgh avel pyth na yllir y grysi, Duw dhe dhrehevel an re varow?

Oberow 4:2

meur anes, drefenn i dhe dhyski an dus ha pregoth yn Yesu an dasserghyans dhiworth an re varow.

Oberow 6:6

I a settyas an re ma a-dherag an abesteli, hag i a bysis ha gorra aga diwla warnedha.

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

1 Korinthianys 10:2

hag oll a veu besydhys yn Moyses, y'n gommolenn hag y'n mor,

1 Korinthianys 12:13

Rag der unn Spyrys ni oll a veu besydhys yn unn korf, Yedhewon po Grekys, kethyon po tus rydh, ha dhyn ni oll y feu gwrys dhe eva yn unn Spyrys.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.

Kolossianys 2:12

Ynkleudhys vewgh ganso yn besydhyans may fewgh drehevys ynwedh ganso der oberyans Duw, neb a'n drehevis dhiworth an re varow.

2 Timothi 2:18

i re swarvyas dhiworth an gwiryonedh, ow leverel bos an dasserghyans diwedhys seulabrys, hag yth esons ow tomhwel fydh rann a'n bobel.

Ebrowyon 11:35

Benynes a dhegemmeras aga re varow dre dhasserghyans. Re a veu tormentys, ow nagha godhvos livreson may tassorghens dhe vewnans gwell.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.