Ebrowyon 6:10 - An Bibel Kernewek 20234 (Kernewek Kemmyn)

¹⁰ Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

Ebrowyon 6:10 Iomraidhean Croise

Nehemia 13:22

Ena my a erghis dhe'n Levysi may omlanhahens ha mos ha gwitha an yetow rag sanshe dydh an sabot. Porth kov a hemma ynwedh y'm favour, ow Duw, ha kemmer truedh ahanav herwydh braster dha dregeredh.

Nehemia 13:31

Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Nehemia 5:19

Porth kov ahanav rag ow les, ow Duw, war-lergh pup-tra a wrug vy rag an bobel ma.

Salmow 20:3

Re bortho kov a'th offrynnow oll, ha degemmeres dha offrynnow leskys! Sela.

Eksodus 1:20

Ha Duw a wrug da dhe'n gwelivedhesow, ha'n bobel a gressyas hag o pur alloesek.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Ekklesiastes 11:1

Dannvon dha vara war enep an dowrow, ha ty a wra y dhaskavoes wosa lies dydh.

Yeremia 18:20

A vydh drogedh attylys rag da? Rag i re balasas pytt rag ow enev. Porth kov my dhe sevel a-ragos dhe gewsel da ragdha, dhe dreylya dha sorr a-dhiworta.

Yeremia 31:16

Yndellma y lever an Arloedh: Gwith dha lev rag oela, ha'th tewlagas rag dagrow; rag dha ober a vydh gobrys, yn-medh an Arloedh: i a dhehwel a-dhiworth tir an eskar;

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Matthew 20:7

Yn-medhons dhodho, “Drefenn na wrug denvyth agan arveth.” Yn-medh ev dhedha, “Ewgh hwi ynwedh y'n winlann.”

Matthew 25:17

Yn kettella y hwrug gwas an dhew dalent prow a dhew moy.

Mark 9:41

Rag piwpynag a rollo dhywgh hanafas a dhowr dhe eva y'm hanow vy, drefenn agas bos dhe Grist, yn hwir y lavarav dhywgh, kammenn na gyll y wober.

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

Oberow 10:31

ha leverel, “Kornelius, dha bysadow re beu klewys ha'th alusenow re beu kovhes dherag Duw.

Oberow 10:4

Ev a viras stark orto, ha kemmerys gans own ev a leveris, ‘Pandra, ytho, Arloedh?’ Hag ev a leveris dhodho, ‘Dha bysadow ha'th alusenow re yskynnas avel kovadh dherag Duw.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Romanyon 12:13

ow provia rag edhommow an syns, ow siwya helder.

2 Korinthianys 9:1

Nyns eus dhymm edhomm a skrifa a-dro dhe'n menystrans dhe'n syns,

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Galatianys 6:10

Ytho, hedre vo spas dhyn, gwren ni da dhe bubonan, ha kyns oll dhedha i usi a'n teylu a fydh.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Timothi 6:18

Lavar dhedha may hwrons dader, may fons rych yn gwriansow da, may fons hel, parys dhe ranna,

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.