Ebrowyon 6:1 - An Bibel Kernewek 20234 (Kernewek Kemmyn)

¹ Yndellma, gesyn dyskasow elvennek Krist ha mos yn-rag dhe berfydhder, heb gorra a-nowydh an selven a dreylya yn edrega dhiworth oberow marow hag a fydh war-tu ha Duw,

Ebrowyon 6:1 Iomraidhean Croise

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Matthew 21:29

Mes ev a worthybis ha leverel, “Ny vynnav”; mes a-wosa edrek a'n jeva hag ev eth.

Matthew 21:32

Rag Yowann a dheuth dhywgh yn fordh ewnder ha ny wrussowgh krysi dhodho, mes an dolloryon ha'n horys a grysis dhodho; mes hwi hwath ow kweles henna ny'gas teva edrek a-wosa, na krysi dhodho.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 4:17

Alena rag, Yesu a dhallathas pregoth ha leverel, ‘Koedhewgh yn edrek, rag gwlaskor nev re dheuth nes.’

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Matthew 7:25

ha'n glaw a goedhas ha'n livow a dheuth ha'n gwynsow a hwythas ha deghesi war an chi na mes ev ny goedhas, rag y vos selys war garrek.

Mark 1:1

Dalleth aweyl Yesu Krist, Mab Duw.

Mark 6:12

Ytho yth ethons yn-kerdh ha pregoth, may koettha tus yn edrek.

Luk 6:48

Ev yw haval dhe dhen ow trehevel chi, neb a balas yn town ha gorra selyow war an garrek; ha pan dheuth liv, an avon a weskis erbynn an chi na, ha ny yllis y gryghylli, rag y vos selys war an garrek.

Yowann 12:44

Yesu a grias ha leverel, ‘Neb a grys ynnov vy, ny grys ynnov vy mes ynno ev neb a'm dannvonas,

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Oberow 11:18

Pan glewsons an taklow ma, i a dewis ha gordhya Duw, ow leverel, ‘Ytho dhe'n Jentilys ynwedh Duw re ros edrek a led dhe vewnans.’

Oberow 17:30

Ytho, ny wrug Duw vri a'n oesow a dhiskians, ha lemmyn ev a worhemmynn dhe boblow oll yn pub le may kemmerrons edrek,

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

1 Korinthianys 13:10

mes pan dheu an pyth yw perfydh, gorfenna a wra an pyth usi yn rann.

1 Korinthianys 2:6

Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

2 Korinthianys 7:10

Rag keudh duwek a ober edrek heb govisyon, bys yn selwyans; mes keudh a'n bys a ober mernans.

Efesianys 2:1

Ha hwi a veu marow yn agas drogoberow ha'gas peghosow

Efesianys 2:5

hwath pan en ni marow yn drogoberow, a wrug dhyn bewa war-barth gans Krist (hwi re beu selwys dre ras),

Efesianys 4:12

rag darbari an syns dhe hwel menystrans, dhe dhrehevyans korf Krist,

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

Kolossianys 3:14

Ha dres oll an taklow ma, gwiskewgh kerensa, yw an golmenn a berfydhder.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Timothi 6:19

ow kuntell tresor ragdha aga honan avel sel da erbynn an termyn a dheu, may hallons synsi an gwir vewnans.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

Ebrowyon 12:13

ha gwrewgh hynsyow kompes dh'agas treys, ma na vo treylys dhe-ves an pyth yw evredhek, mes kynsa bos yaghhes.

Ebrowyon 7:11

Ytho, mar teuth perfydhder der oferyaseth leviek (rag yn-danno an bobel a dhegemmeras dega an lagha), ena pana edhomm eus a gen oferyas dhe sevel war-lergh ordyr Melkisedek, a-der war-lergh ordyr Aron?

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Jamys 1:4

Ha gwres perthyans kowlwul y ober may fewgh perfydh ha dien, heb bos dhywgh fowt travyth.

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.