Ebrowyon 5:9 - An Bibel Kernewek 20234 (Kernewek Kemmyn)

⁹ ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Ebrowyon 5:9 Iomraidhean Croise

Salmow 45:17

My a wra dhe govadh dha hanow durya a unn henedh dhe'n nessa; rakhenna poblow a'th wormel bys vykken ha bynnari.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Zekaria 6:15

An re neb yw pell a dheu hag i a dhrehav tempel an Arloedh, ha hwi a woer Arloedh an luyow ow dannvon dhywgh. Homma a hwyrvydh mar koslewowgh yn tiwysyk orth an Arloedh agas Duw.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Luk 13:32

Hag ev a leveris dhedha, ‘Kewgh dhe leverel dhe'n lowarn na, “Otta, my a dewl dywolow mes ha yaghhe tus hedhyw hag a-vorow, hag y'n tressa dydh my a gowlwra ow ober.

Yowann 19:30

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.

Oberow 3:15

ha hwi a ladhas an Awtour a vewnans, neb a veu drehevys gans Duw dhiworth an re varow; dhe henna dustunioryon on ni.

Oberow 4:12

Ha nyns eus selwyans yn denvyth arall, rag nyns eus ken hanow yn-dann nev res yn mysk tus may tegoedh dhyn bos selwys.’

Oberow 5:32

Ha dustunioryon on ni dhe'n taklow ma, keffrys an Spyrys Sans res gans Duw dhe'n re a obay dhodho.’

Romanyon 1:5

may kemmersyn gras hag abostolieth dredho rag dri gostytter fydh yn mysk oll an kenedhlow a-barth y hanow ev,

Romanyon 10:16

Mes nyns o pubonan gostydh dhe'n aweyl; rag Ysay a lever, ‘A Arloedh, piw a grysis agan derivas?’

Romanyon 15:18

Rag ny vynnav bedha kewsel a-dro dhe dravyth a-der an pyth a wrug Krist ynnov dhe wul an kenedhlow gostydh, dre er ha der ober,

Romanyon 2:8

Mes rag an re neb der avi yw diwostydh dhe'n gwiryonedh, mes dhe'n droktra gostydh y fydh konnar ha sorr bras.

Romanyon 6:17

Mes dhe Dhuw re bo grasow, rag hwi, a vedha kethyon dhe begh, yw devedhys ha bos gostydh a leun golonn dhe'n patron a dhyskas may fewgh delivrys dhodho,

2 Korinthianys 10:5

ha pub tra woethus hag a sett orth godhvos Duw, hag ow talghenna yn keth pub tybyans rag gul dhodho bos gostydh dhe Grist,

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 11:40

drefenn Duw dhe ragweles tenkys gwell ragon, na vedhens gwrys perfydh hebon ni.

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 2:10

Rag yth o gwiw ev, mayth usi pup-tra yn few ragdho ha dredho, ow tri lies mab dhe glori, dhe wul awtour aga selwyans perfydh dre wodhevel.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.