Ebrowyon 5:14 - An Bibel Kernewek 20234 (Kernewek Kemmyn)

¹⁴ Mes boes kales yw rag an devesigyon, rag an re a's teves kowses dyskys der usadow dhe dhissernya yntra da ha dhrog.

Ebrowyon 5:14 Iomraidhean Croise

Jenesis 3:5

rag Duw a woer, y'n jydh may typprowgh anodho, agas dewlagas a vydh igerys, ha hwi a vydh kepar ha duwow, ow kodhvos da ha drog.’

2 Samuel 14:17

Lemmyn dha vaghteth a lever, “Re rollo ger ow arloedh an myghtern powesva dhymm, rag avel el Duw, yndella yw ow arloedh an myghtern ow tissernya yntra da ha drog. Re bo an Arloedh dha Dhuw genes.” ’

1 Myghternedh 3:11

Ha Duw a leveris dhodho, ‘Drefenn ty dhe wovynn hemma, ha drefenn na wovynnsys dhe'th honan bewnans hir na kevoeth, na bewnans dha eskerens, mes govynn ragos dha honan konvedhes dhe venystra barn,

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

Job 12:11

A ny wra an skovarn assaya geryow kepar dell wra an stevnik blasa boes?

Job 34:3

rag an skovarn a brev geryow kepar dell vlas an stevnik boes.

Job 6:30

Eus kammhynseth war ow thaves? A ny yll ow stevnik dissernya terroes?

Salmow 119:103

Ass yw hweg dha lavarow dhe'm stevnik, hwekka es mel dhe'm ganow!

An Gan a Ganow 1:3

Ethenn dha oylys yw da, dha hanow yw avel oyl dinewys; rakhenna gwyrghesow re'th karas.

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

Ysay 7:15

Kowles ha mel y teber bys pan woer denagha an drog ha dewis an da.

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Romanyon 14:1

Ha neb yw gwann y'n fydh, degemmerewgh e heb dadhla a-dro dhe dybyansow.

1 Korinthianys 2:6

Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves.

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 4:13

erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Filippianys 3:15

An re ahanan ytho yw gwrys perfydh, prederyn hemma; ha mar prederowgh ken, hemma ynwedh Duw a dhiskwedh dhywgh.

1 Thessalonianys 5:21

Prevewgh pup-tra, synsewgh an pyth yw da.

1 Timothi 4:7

Mes skon hwedhlow didhuw ha hwedhlow gwraghes, ha lavur troha sansoleth;

Ebrowyon 6:1

Yndellma, gesyn dyskasow elvennek Krist ha mos yn-rag dhe berfydhder, heb gorra a-nowydh an selven a dreylya yn edrega dhiworth oberow marow hag a fydh war-tu ha Duw,

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.