Ebrowyon 5:12 - An Bibel Kernewek 20234 (Kernewek Kemmyn)

¹² Rag kyn talvia dhywgh bos dyskadoryon erbynn an termyn ma, edhomm a'gas beus nebonan dhe dhyski dhywgh an kynsa elvennow a lavarow Duw. Edhomm a'gas beus a leth, yn le boes kales;

Ebrowyon 5:12 Iomraidhean Croise

2 Samuel 16:23

Lemmyn y'n dydhyow na kusul Ahithofel o par dell wovynnir orth Duw; yndella yth o oll kusul Ahithofel gans Davydh ha gans Absalom.

Ezra 7:10

Rag Ezra re settsa y golonn dhe hwilas lagha an Arloedh, ha dh'y gul, ha dhe dhyski ordenansow ha breusow yn Ysrael.

Salmow 34:11

Dewgh, hwi fleghes, goslowewgh orthiv; my a dhysk dhywgh own an Arloedh.

Ysay 28:13

Ger an Arloedh a vydh dhedha, ‘Rewl war rewl, rewl war rewl, linenn war linenn, linenn war linenn, banna omma, banna ena’, rag mayth ellons ha koedha war-dhelergh ha bos terrys, ha maglennys, ha kemmerys.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Matthew 17:17

Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’

Mark 9:19

Mes ev a worthybis dhedha ha leverel, ‘A henedh diskryjyk, pes termyn y fydhav vy genowgh? Pes termyn y hwrav agas perthi? Drewgh e dhymm.’

Oberow 7:38

Hemm yw neb esa y'n kuntelles y'n gwylvos gans an el a leveris dhodho yn menydh Sinay, ha gans agan tasow; hag ev a dhegemmeras lavarow bew dhe ri dhyn,

Romanyon 3:2

Meur war bub fordh. Wostalleth an Yedhewon a's teves gwitha lavarow Duw.

1 Korinthianys 14:19

byttegyns, y'n eglos gwell via genev leverel pymp ger gans ow brys, may tysken re erell, ages deg mil er yn taves.

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

Galatianys 4:3

Yndella ni ynwedh, pan en ni fleghes, o synsys yn kethneth gans elvennow an bys ma;

Filippianys 3:1

Wor'tiwedh, ow breder, gwrewgh lowenhe y'n Arloedh. Dhymmo vy nyns yw dihedh skrifa an keth taklow dhywgh, mes dhywgh hwi sawder yw.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 5:11

A-dro dhe hemma, ni a'gan beus meur dhe leverel yw kales dhe styrya, rag hwi dhe vos lent agas diwskovarn.

Ebrowyon 5:13

rag pubonan neb a gevrenn a leth yw heb prevyans y'n ger a ewnder, rag ev yw fleghik.

Ebrowyon 6:1

Yndellma, gesyn dyskasow elvennek Krist ha mos yn-rag dhe berfydhder, heb gorra a-nowydh an selven a dreylya yn edrega dhiworth oberow marow hag a fydh war-tu ha Duw,

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.