Ebrowyon 4:14 - An Bibel Kernewek 20234 (Kernewek Kemmyn)

¹⁴ Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

Ebrowyon 4:14 Iomraidhean Croise

Ezekiel 46:10

Pan dhons a-ji, an pennsevik a dheu yn aga mysk, ha pan omdennons, ev ynwedh a omdenn.

Matthew 4:3

Ha'n tempter a dheuth dhodho ha leverel, ‘Mars osta Mab Duw, lavar dhe'n veyn ma bos gwrys bara.’

Mark 1:1

Dalleth aweyl Yesu Krist, Mab Duw.

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Luk 24:51

Ha pan esa orth aga benniga, ev a dhibarthas dhiworta hag y feu degys yn-bann dhe'n nev.

Oberow 1:11

neb a leveris, ‘Gwer Galile, prag y sevowgh hwi ow mires troha nev? An Yesu ma, neb re beu kemmerys yn-bann dhiworthowgh yn nev, a dheu y'n keth maner ma'n gwelsowgh ow mos yn nev.’

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

2 Korinthianys 12:2

My a aswonn den yn Krist neb, nans yw peswardhek blydhen, a veu kemmerys yn-bann dhe'n tressa nev – mars esa y'n korf ny wonn, po mes a'n korf ny wonn, Duw a woer, –

2 Korinthianys 9:13

yn prov an menystrans ma hwi a wordh Duw dre wostytter agas avowans a aweyl Krist, ha der agas helder ow kevrenna gansa ha gans tus oll,

Efesianys 4:10

Neb a dhiyskynnas yw ynwedh neb a yskynnas pell a-ugh oll an nevow may lanwa pup-tra.

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Ebrowyon 10:12

Mes pan offrynnsa Krist unn sakrifis rag peghosow bys vykken, ‘ev a esedhas orth leuv dhyghow Duw’,

Ebrowyon 10:23

Synsyn fast dhe brofessyans agan govenek fyrv, rag lel yw ev neb a ambosas;

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 3:1

Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans;

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

Ebrowyon 6:20

le mayth eth Yesu avel ragreser ragon ni, wosa dos ha bos arghoferyas bys vykken war-lergh ordyr Melkisedek.

Ebrowyon 6:6

hag ena y koedhsons a-denewen, rag i a grows Mab Duw arta ragdha i aga honan ha gul bismer dhodho.

Ebrowyon 7:3

Ev yw heb tas na mamm nag aghskrif ha ny'n jeves na dallethvos dydhyow na diwedh bewnans, mes, haval dhe Vab Duw, ev a bes yn oferyas bys vykken.

Ebrowyon 8:1

Lemmyn war verr lavarow, an pyth a leveryn yw hemma: ni a'gan beus arghoferyas, onan neb a esedhas orth leuv dhyghow tron Meuredh an nevow,

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.