Ebrowyon 4:13 - An Bibel Kernewek 20234 (Kernewek Kemmyn)

¹³ Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Ebrowyon 4:13 Iomraidhean Croise

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

2 Kroniklys 6:30

klew dhiworth nev, tyller dha drigva, gav, hag attal dhe beub herwydh aga fara, rag ty unnsel a woer kolonn tus.

Job 26:6

Noeth yw ifarn a-rag Duw, Abaddon yw heb kudhans.

Job 34:21

‘Rag yma y dhewlagas war fordhow gour, hag ev a wel y gammow oll.

Job 38:17

A veu porthow ankow diskwedhys dhis? A welsys porthow an tewlder down?

Salmow 139:4

Rag nyns eus ger war ow thaves heb ty, A Arloedh, dh'y wodhvos yn tien.

Salmow 44:21

a ny hwither Duw hemma? Rag ev a woer kevrinyow an golonn.

Salmow 7:9

Bedhes diwedh dhe dhrogober an debeles, mes ty gwra fastya an den gwiryon, ty neb a brev an kolonnow ha'n lonethi, an Duw gwiryon.

Salmow 90:8

Ty re worras agan kammweythresow a-dheragos, ha'gan peghosow kudh yn golow dha fas.

Lavarow Koth 15:11

Yma ifarn hag Abaddon a-rag an Arloedh, kemmys moy kolonn mebyon den.

Lavarow Koth 15:3

Yma dewlagas an Arloedh yn pub le, ow koelyas war an debeles ha'n re dha.

Lavarow Koth 5:21

Rag yma fordhow gour a-rag dewlagas an Arloedh, hag ev a hwither oll y hynsyow.

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Daniel 2:22

Ev a dhiskudh taklow down ha kevrinek; ev a aswonn pyth eus y'n tewolgow, ha'n golow usi trigys ganso ev.

Matthew 6:4

rag may fo dha alusen yn-dann gel; ha'th Tas neb a wel yn-dann gel a attal dhis.

Yowann 2:24

Mes ny omdrestyas Yesu y honan dhedha, rag ev a aswonni peub,

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Yowann 4:16

Yn-medh ev dhedhi, ‘Ke, galw dha wour ha deus omma.’

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’