Ebrowyon 3:12 - An Bibel Kernewek 20234 (Kernewek Kemmyn)

¹² Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.

Ebrowyon 3:12 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Job 21:14

I a lever dhe Dhuw, “Diberth dhiworthyn! Nyns eus hwans dhyn a wodhvos a'th fordhow.

Job 22:17

I a leveris dhe Dhuw, “Gas ni yn kres!” ha “Pandr'a yll an Ollgalloesek gul dhyn?”

Salmow 18:21

Rag my re synsis fordhow an Arloedh, ha ny dhiberthis yn trog dhiworth ow Duw.

Lavarow Koth 1:32

Rag an re sempel yw ledhys gans aga dislelder, hag omfydhyans an fellyon a's distru;

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 18:12

Hag i a leveris, ‘Nyns eus govenek: ni a hol agan towlow agan honan, ha pub huni a wra herwydh gorthter y golonn dhrog.’

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Ezekiel 14:5

rag may taskyffiv kolonnow chi Ysrael, rag i oll re dreylyas dhiworthiv der aga idolys.

Hosea 1:2

Hemm yw dalleth ger an Arloedh dhe Hosea. An Arloedh a leveris dhe Hosea, ‘Ke, kemmer dhis dha honan gwreg a fornikasyon ha fleghes a fornikasyon, a-ban wrug an tir fornikasyon meur, ow tiberth dhiworth an Arloedh.’

Matthew 16:16

Ha Simon Peder a worthybis ha leverel, ‘Ty yw an Krist, Mab an Duw bew.’

Matthew 24:4

Ha Yesu a worthybis ha leverel dhedha, ‘Bedhewgh war na wrello denvyth agas toella;

Mark 13:23

Mes bedhewgh war; my re dharganas dhywgh pup-tra.

Mark 13:33

Bedhewgh war, goelyewgh ha pysewgh; rag ny wodhowgh p'eur fydh an termyn.

Mark 13:9

‘Mes bedhewgh war ragowgh agas honan; rag i a wra agas daskorr dhe gonselyow, hag y'n synagys hwi a vydh kronkys, ha hwi a vydh settys a-rag governours ha myghternedh a-barth dhymmo vy, yn dustuni er aga fynn.

Luk 21:8

Yn-medh ev, ‘Gwaytyewgh ma na vowgh toellys; rag lies a dheu y'm hanow vy ow leverel, “My yw”, hag “An termyn re nesas.” Na holyewgh war aga lergh.

Romanyon 11:21

Rag mar ny sparyas Duw an skorrennow naturel, ny'th spar tejy.

1 Korinthianys 10:12

Rakhenna, neb eus ow tybi y sev ev, kemmeres with ma na goettho.

Kolossianys 2:8

Bedhewgh war na wrello denvyth agas kemmeres yn keth dre filosofi ha toell gwag, war-lergh hengov mab-den, war-lergh elvennow an bys, a-der war-lergh Krist;

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

Ebrowyon 10:31

Tra euthyk yw koedha yntra diwleuv an Duw bew.

Ebrowyon 10:38

mes ow den gwiryon a wra bewa dre fydh, ha mar kildenn, ny gemmer ow enev plesour ynno.’

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 3:1

Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans;

Ebrowyon 3:10

Yndella, serrys en gans an henedh ma, hag y leveris, “Pup-prys yth ons yn stray yn aga holonn; ny aswonnsons ow fordhow vy.”

Ebrowyon 3:19

Ytho, ni a wel na allsons entra drefenn diskryjyans.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.