Ebrowyon 2:9 - An Bibel Kernewek 20234 (Kernewek Kemmyn)

⁹ Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.

Ebrowyon 2:9 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 6:28

Ha prag yth owgh hwi prederus a-dro dhe dhillas? Merkewgh lili an gwel, fatell wrons i tevi; ny lavuryons ha ny nedhons;

Mark 9:1

Hag ev a leveris dhedha, ‘Yn hwir y lavarav dhywgh, bos rann an re usi ow sevel omma, na vydhons ow tastya mernans, kyns i dhe weles gwlaskor Duw devedhys gans nerth.’

Luk 9:27

Mes yn hwir y lavarav dhywgh, yma rann a'n re ow sevel omma na dastyons ankow erna wellons gwlaskor Duw.’

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 10:17

Rag hemma, an Tas a'm kar, rag my a dhaskorr ow bewnans, rag may hwrylliv y gemmeres arta.

Yowann 12:32

Ha my, pan viv drehevys a'n norvys, a denn tus oll dhymmo vy.’

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 8:51

Yn hwir, yn hwir y lavarav dhywgh, piwpynag a wittho ow ger, ny welvydh mernans bynitha.’

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Romanyon 5:18

Ytho dell dhug drogober unn den dampnasyon tus oll, yndella ober gwiryon unn den a dheg ewnheans ha bewnans rag tus oll.

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

2 Korinthianys 5:15

hag ev a verwis a-barth oll, ma na vewa an re vew dhedha aga honan na fella, mes dhodho ev neb a verwis hag a veu dastrehevys a-barth dhedha.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

1 Timothi 2:6

neb a omros yn daspren rag pub den oll, an dustuni degys y'n termyn gwiw.

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

Ebrowyon 10:5

Hemm yw prag, pan dheuth Krist dhe'n bys, ev a leveris, ‘A sakrifis hag offrynn, ny' feu hwans, mes korf re bareussys ragov;

Ebrowyon 11:5

Dre fydh Enok a veu ravshys na wella mernans: ha ‘ny veu kevys, rag Duw dh'y gemmeres.’ Rag kyns bos kemmerys, dustuniys veu ‘ev dhe vos plegadow dhe Dhuw.’

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 2:7

Ty a'n gwrug rag termyn nebes isella ages an eledh, ty re'n kurunas gans golewder hag enor,

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Ebrowyon 8:3

Rag pub oferyas yw ordenys dhe offrynna rohow ha sakrifisow; yndellma yth yw res bos gans an oferyas ma neppyth dhe offrynna.

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

Diskwedhyans 19:12

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;