Ebrowyon 2:11 - An Bibel Kernewek 20234 (Kernewek Kemmyn)

¹¹ Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

Ebrowyon 2:11 Iomraidhean Croise

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 28:10

Ena yn-medh Yesu dhedha, ‘Na berthewgh own; kewgh, leverewgh dhe'm breder mos yn-kerdh dhe Alile, hag ena i a'm gwel.’

Mark 3:34

Hag ev a viras a-dro orth an re o esedhys yn y gyrghynn, hag yn-medh ev, ‘Ottomma ow mamm ha'm breder!

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 9:26

Piwpynag ytho a'n jeffo meth ahanav vy ha'm lavarow, Mab an den a'n jevydh meth anodho pan dheffo yn y wolewder ev ha golewder an Tas ha'n eledh sans.

Yowann 17:19

Hag a-barth dhedha i omsakra a wrav ow honan, rag may fons i ynwedh sakrys y'n gwirder.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Oberow 17:28

Rag “Ynno ev ni a vew ha gwaya ha kavoes agan bosva.” Par dell leveris re a'gas berdh, “Rag ni ynwedh yw y askorr.”

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Ebrowyon 10:10

Ha der an bodh na, ni re beu sanshes, der offrynn korf Yesu Krist unnweyth rag oll.

Ebrowyon 10:14

Rag der unn offrynn ev re berfydhhas bys vykken an re yw sanshes.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 13:12

Yndellma, Yesu a wodhevis yn-mes a'n yet rag sanshe tus der y woes.

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 3:1

Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans;