Ebrowyon 13:5 - An Bibel Kernewek 20234 (Kernewek Kemmyn)

⁵ Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

Ebrowyon 13:5 Iomraidhean Croise

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 30:31

Yn-medh ev, ‘Pandr'a rov dhiso?’ Hag yn-medh Yakob, ‘Ny wre'ta ri dhymm travyth. Mar mynnydh gul hemma ragov, my a wra bugelya dha flokk arta ha'y witha.

Jenesis 31:5

ha leverel dhedha, ‘My a wel nag yw fas dha das troha my avel kyns, mes re beu Duw ow thas genev vy.

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

1 Myghternedh 8:57

Bedhes genen an Arloedh agan Duw, par dell o gans agan tasow; bynner re wrello agan gasa na'gan forsakya,

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Salmow 119:36

Pleg ow holonn troha'th tustuniow, ha na wra hy flegya troha krefni.

Salmow 37:25

Yowynk veuv, lemmyn koth ov vy, mes bythkweth ny welis an den gwiryon gesys, na'y has ow peggya bara.

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Eksodus 2:21

Ha Moyses a assentyas triga gans an gour, neb a ros Sippora y vyrgh dhe Moyses,

Eksodus 20:17

Na wra hwansa chi dha gentrevek na hwansa gwreg dha gentrevek, na'y was, na'y vaghteth, na'y ojyon, na'y asen, na travyth eus dhe'th kentrevek.

Lavarow Koth 23:4

Na lavur re rag mayth ylli ha bos rych, bydh fur, ha hedh.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Matthew 6:19

‘Na guntellewgh dhywgh agas honan tresoryow war an nor, le may ma goedhan ha gossen ow tiswul ha may hwra ladron terri a-bervedh ha ladra.

Matthew 6:25

‘Rakhenna my a lever dhywgh, na wrewgh mos yn prederow a-dro dh'agas bewnans pandr'a dhebrowgh na pandr'a evowgh, na byth moy a-dro dh'agas korf pandr'a wiskowgh. A nyns yw bewnans moy ages boes, ha'n korf ages dillas?

Matthew 6:34

Na vedhewgh ytho prederus a'n vorow, rag an vorow a breder anedhi hy honan; lowr dhe'n jydh yw y dhrog ev y honan.

Mark 7:22

avoutri, krefni, sherewneth, falsuri, drokhwans direwl, tebel-lagas, blasfemi, goeth, follneth;

Luk 3:14

Ha soudoryon ynwedh a wovynni orto ow leverel, ‘Ha ni, pandr'a wren ni?’ Hag ev a leveris dhedha, ‘Na ledrewgh dre wodros dhiworth denvyth, ha na guhudhewgh yn fals, ha bedhewgh kontentys gans agas arveth.’

Luk 8:14

An dra a goedhas y'n spern, yth yw an re a glewas, ha pan vons yn-rag tegys yns gans an fienasow ha'n rychys ha'n plesours a vewnans, ha ny dhegons frut adhves.

Romanyon 1:29

Gorlenwys ens a bub kammhynseth, droktra, krefni, atti. Leun a avi, moldra, strif, toell, spit, hwystroryon yns,

1 Korinthianys 5:11

Mes lemmyn my re skrifas dhywgh na gowetthyowgh gans nagonan, hag ev gelwys broder, yw den dijast, po den pith, po gordhyer idolys, po sklandrer, po medhow, po lader gwyls; byth na dhybrewgh gans den a'n par na.

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

2 Korinthianys 4:9

arweskys, nyns on ni forsakys; gweskys dhe'n leur, nyns on ni distruys;

Efesianys 5:3

Mes fornikasyon ha pub plosedhes po krefni, na vedhens henwys yn agas mysk, kepar dell dhelledh dhe syns.

Efesianys 5:5

Godhvydhewgh hemma: denvyth ow kul fornikasyon, na den plos, na den kraf, henn yw gordhyer idolys, ny'n jeves eretons yn gwlaskor Krist ha Duw.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’

Dewteronomi 4:31

(rag an Arloedh dha Dhuw yw Duw truedhek), ny wra ev kildenna dhiworthis na dha dhistrui, ha ny ankev kevambos dha dasow a dos dhedha.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

1 Timothi 3:3

heb eva re nag omdhal, mes klor, ha digavyllek, heb kara mona;

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 7:21

pan welis y'n preydh mantell deg a Shinar, ha dew kans shekel a arghans, ha barr a owr deg ha dew-ugens shekel y boes, my a's hwansas ha'ga hemmeres. Kudhys yns y'n dor a-ji dhe'm tylda, gans an arghans a-woeles.’

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

1 Samuel 10:7

Ytho pan dheu an toknys ma warnas, gwra pypynag a wra dha leuv y gavoes; rag yma Duw genes.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.