Ebrowyon 13:11 - An Bibel Kernewek 20234 (Kernewek Kemmyn)

¹¹ Rag korfow an enyvales na, ha'ga goes kyrghys a-ji dhe'n sentri gans an arghoferyas yn sakrifis rag peghosow, yw leskys yn-mes a'n kamp.

Ebrowyon 13:11 Iomraidhean Croise

Eksodus 29:14

Mes kig an lodhen, ha'y groghen, ha'y deyl, ty a gowllesk a-ves a'n kamp; offrynn pegh yw.

Ezekiel 43:21

Ha ty a gemmer tarow an offrynn pegh, hag y fydh leskys y'n tyller apoyntys y'n tempel a-ves dhe'n sentri.

Levitikus 16:27

Ha lodhen an offrynn pegh, ha bogh an offrynn pegh may feu aga goes dres a-bervedh dhe wul dehwelyans y'n tyller sans, a vydh degys yn-mes a'n kamp, hag i a gowllesk aga kreghyn gans aga hig ha'ga hawgh.

Levitikus 6:11

Ena ev a dhiwisk y dhillas ha gwiska dillas arall ha doen an lusu yn-mes a'n kamp bys yn tyller glan.

Levitikus 6:30

Ha ny vydh dybrys offrynn pegh vyth mayth yw dres an goes anodho a-ji dhe dylda an kuntelles dhe wul dehwelyans y'n tyller sans. Leskys vydh y'n tan.

Levitikus 9:11

Hag ev a loskas an kig ha'n kneus yn-mes a'n kamp.

Levitikus 9:9

Ha mebyon Aron a dhros an goes dhodho hag ev a droghyas y vys y'n goes ha'y worra war gern an alter ha dinewi an goes war woeles an alter.

Niverow 19:3

Ha hwi a's re dhe Eleazar an oferyas, hag ev a's kemmer yn-mes a'n kamp ha hi a vydh ledhys a-ragdho;

Niverow 19:7

Ena an oferyas a wra golghi y dhillas ha badhya y gorf yn dowr, hag a-wosa ev a yll dos y'n kamp; ha'n oferyas a vydh avlan bys y'n gorthugher.