Ebrowyon 12:23 - An Bibel Kernewek 20234 (Kernewek Kemmyn)

²³ ha dhe eglos an re gynsa-genys omrolys yn nev, ha dhe Dhuw, an breusydh a bup-tra, ha dhe spyrysyon tus ewnhynsek gwrys perfydh,

Ebrowyon 12:23 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Salmow 111:1

Gormelewgh an Arloedh. My a ras dhe'n Arloedh a leun golonn, yn kowethas an re ewnhynsek hag y'n kuntelles.

Salmow 69:28

Bedhens i defendys dhe-ves a lyver an re vew, ha na vedhens i skrifys yn mysk an re wiryon.

Salmow 89:27

Ha my a'n gwra ow hynsa-genys, an ughella a vyghternedh an nor.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Salmow 94:2

Sav, ty vreusyas an norvys; attal aga gober dhe'n re woethus.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Eksodus 13:2

Sansha dhymm pub kynsa-genys; an kynsa dhe igeri an brys yn mysk mebyon Ysrael, ha den ha best, yw dhymm.

Eksodus 32:32

Mes lemmyn, mar mynnydh gava aga fegh – ha mar ny vynnydh, gwra ow defendya, my a'th pys, yn-mes a'th lyver re skrifsys.’

Eksodus 4:22

Ha ty a lever dhe Faro, “Yndellma y lever an Arloedh: Ow hynsa-genys yw Ysrael;

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Luk 10:20

Byttegyns na lowenhewgh yn henna, an spyrysyon dhe vos gorrys yn-dannowgh, mes lowenhewgh rag agas henwyn dhe vos skrifys y'n nevow.’

Yowann 5:27

Hag ev a ros dhodho galloes dhe vreusi, rag ev dhe vos Mab an den.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

1 Korinthianys 13:12

Rag lemmyn, ni a wel yn gweder, yn tewl, mes ena fas orth fas; lemmyn my a woer yn rann, mes ena my a wra aswonn yn tien, kepar dell ov vy aswonnys yn tien.

1 Korinthianys 15:49

Par dell dhugon ni hevelep an den a dhoust, ni a wra doen ynwedh hevelep an den a nev.

1 Korinthianys 15:54

Ha pan wra an dra bodradow ma omwiska yn anpodredhes, ha'n dra varwel ma omwiska yn anvarwoleth, ena y hwyrvydh an ger yw skrifys, ‘Ankow yw kollenkys yn trygh.’

2 Korinthianys 5:8

Fydhyans a'gan beus, ytho, ha gwell via genen mos a'n korf, ha dos dhe-dre dhe'n Arloedh.

Efesianys 1:22

hag ev re worras pup-tra yn-dann y dreys hag a'n ros dhe vos penn war bup-tra dhe'n eglos,

Dewteronomi 21:17

mes ev a aswonn an kynsa-genys, mab an wreg skonys, ow ri dhodho rann dhewblek a bup-tra eus dhodho, rag ev dhe vos kynsa frut y nerth gourel; dhodho gwir an kynsa-genys.

Filippianys 4:3

Dhe wir, my a'th pys ynwedh, a yew-was len, may hweressi an benynes a lavuryas genev y'n aweyl, gans Klemens ynwedh ha'm kesoberoryon erell, neb usi aga henwyn y'n lyver a vewnans.

Kolossianys 1:12

ow krassa dhe'n Tas re'gas gwrug gwiw dhe gavoes rann yn eretons an syns y'n golow.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

1 Timothi 3:5

Den mar ny woer rewlya y vayni ev, fatell wra gwitha eglos Duw?

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Ebrowyon 11:40

drefenn Duw dhe ragweles tenkys gwell ragon, na vedhens gwrys perfydh hebon ni.

Ebrowyon 2:12

ow leverel, ‘My a dheriv dha hanow dhe'm breder, yn mysk an kuntelles my a'th wormel.’

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

1 Peder 2:23

Pan veu drokhenwys, ny dhrokhenwis yn attal. Pan wodhevis, ny vraggyas, mes yth omgommyttyas dhe neb a vreus yn hwiryon.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.

Diskwedhyans 6:9

Ha pan igoras an pympes sel, my a welas yn-dann an alter enevow an re o ledhys rag ger Duw ha rag an dustuni esa gansa i: