Ebrowyon 11:6 - An Bibel Kernewek 20234 (Kernewek Kemmyn)

⁶ Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

Ebrowyon 11:6 Iomraidhean Croise

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Job 21:14

I a lever dhe Dhuw, “Diberth dhiworthyn! Nyns eus hwans dhyn a wodhvos a'th fordhow.

Salmow 106:24

Ena i a skornyas an tir teg, ha ny gryssons dh'y er ev;

Salmow 119:10

A leun golonn my re'th hwilas; na as vy dhe vos yn stray dhiworth dha worhemmynnow.

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

Salmow 78:22

drefenn na gryssons yn Duw na fydhya yn y selwyans ev.

Salmow 78:32

Yn despit dhe oll hemma, i a beghas hwath, ha ny gryssons yn y varthusyon ev.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Lavarow Koth 8:17

My a gar an re a'm kar, ha'n re a'm hwila yn fen a'm kyv

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 7:9

Penn Efraym yw Samaria, ha penn Samaria yw mab Remalia. Mar ny gryssowgh ena ny vydhowgh fastys.

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Niverow 14:11

Ha'n Arloedh a leveris dhe Moyses, ‘Pes termyn y hwra an bobel ma ow disenora? Ha pes termyn ny wrons krysi ynnov, yn spit dhe'n toknys oll a wrug yn aga mysk?

Niverow 20:12

Ha'n Arloedh a leveris dhe Moyses ha dhe Aron, ‘Drefenn na dres'sowgh ynnov, dhe'm sanshe yn lagasow mebyon Ysrael, rakhenna ny vydhowgh ow tri an gemmynieth ma y'n tir re res dhedha.’

Matthew 11:26

ya, A Das, rag yndella re beu dha vodh.

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Luk 12:31

Mes hwilewgh gwlaskor Duw, hag y fydh res dhywgh oll an taklow ma.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 8:24

Ytho my a leveris dhywgh, hwi dhe verwel yn agas peghosow. Rag mar ny grysowgh my dhe vos ev, hwi a verow yn agas peghosow.’

Romanyon 10:14

Fatell yll tus gelwel war nebonan ma na gryssons ynno? Ha fatell yllir krysi dhe nebonan ma na glewas anodho; ha fatell yllir klewes heb pregowther?

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Ebrowyon 11:26

Ev a dybi godhevel tebel dhyghtyans rag an Krist kevoeth moy ages tresoryow Ejyp, rag y fira yn-rag orth an gober.

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.

Ebrowyon 4:2

Rag devri an nowodhow da a dheuth dhyn ni par dell wrug dhedha i ynwedh; mes an negys a glewsons, ny veu dh'aga les, drefenn na vons kesunys yn fydh gans an re a glewas.

Ebrowyon 4:6

A-ban yw gesys ytho rag re dhe entra ynni, ha'n re a dhegemmeras an nowodhow da seulabrys a fyllis entra drefenn diwostytter,

Ebrowyon 7:19

(rag ny wrug an lagha travyth perfydh); a'y gila, govenek gwell yw dres, dredho may teun nes dhe Dhuw.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

2 Peder 1:10

Rakhenna, a vreder, bedhewgh dhe voy diwysyk dhe fastya agas galow ha'gas dewis; rag mar kwrewgh an taklow ma, ny wrewgh trebuchya bynitha.

2 Peder 1:5

Ha rag an keth tra ma, strivewgh gwella gyllowgh dhe worra yn agas fydh vertu, hag yn vertu godhvos,

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Ruth 2:12

Re wrello an Arloedh attyli dha ober, ha kowal re bo dha bewas dhiworth an Arloedh, Duw Ysrael, may hwrussys dos yn-dann y eskelli dhe gavoes skovva.’