Ebrowyon 11:4 - An Bibel Kernewek 20234 (Kernewek Kemmyn)

⁴ Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Ebrowyon 11:4 Iomraidhean Croise

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Jenesis 4:15

Hag yn-medh an Arloedh dhodho, ‘Ytho piwpynag a lattho Kayn, y fydh dial tylys warnodho seythgweyth.’ Ha'n Arloedh a worras tokyn war Kayn, na wrella denvyth a'n kaffa y weskel.

Jenesis 4:25

Hag Adam a aswonnis y wreg arta ha hi a dhineythis mab, hag hi a elwis y hanow Seth, rag yn-medh hi, ‘Duw re wrontyas dhymm has arall yn le Abel, rag Kayn a'n ladhas.’

Jenesis 4:8

Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

1 Myghternedh 18:38

Ena tan an Arloedh a dhiyskynnas ha kowlleski an offrynn leskys, an prenn, an meyn, ha'n doust, ha hwath a lapyas an dowr esa y'n ganel.

Job 8:10

A ny wrons dha dhyski, ha leverel dhis, ha dyllo geryow dhiworth aga holonn?

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Luk 11:51

a-dhia woes Abel bys goes Zakaria neb a veu ledhys ynter an alter ha'n sentri; yn hwir y lavarav dhywgh, govynnys vydh a-dhiworth an henedh ma.

Titus 1:16

I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.

Ebrowyon 11:2

Rag dredho y kavas an henavogyon dustuni da.

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 5:1

Rag pub arghoferyas dewisys yn mysk tus yw ordenys dhe weythres a-barth tus yn servis Duw, dhe brofya rohow ha sakrifisow rag peghosow.

Ebrowyon 9:22

Yn hwir, herwydh an lagha ogas pub tra yw glanhes gans goes, ha heb skoellya goes ny vydh dehwelyans peghosow.

2 Peder 2:8

(rag dydh wosa dydh an den gwiryon ma, trigys yn aga mysk, a dormentyas y enev gwiryon gans aga gwriansow dilagha a welas ha klewes):

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.