Ebrowyon 11:37 - An Bibel Kernewek 20234 (Kernewek Kemmyn)

³⁷ Labydhys vons, heskennys vons yn dew, ledhys vons dre gledha; i a gerdhi yn kreghyn deves ha gever, edhommek, duwenhes, tebeldhyghtys

Ebrowyon 11:37 Iomraidhean Croise

2 Samuel 12:31

Ev a dhros yn-mes an bobel esa ynni, ha'ga settya dhe lavur gans heskennow, ha pigellow a horn, ha boelyow a horn, hag ev a's gorras dhe lavur orth an kowynnow-brykk. Yndella y hwrug dhe oll sitys an Ammonysi. Ena Davydh hag oll an bobel a dhehwelis dhe Yerusalem.

1 Myghternedh 18:13

A ny veu leverys dhe'm arloedh an pyth a wrug pan ladhas Yezebel profoesi an Arloedh, fatell gudhis kans profoes a'n Arloedh yn vogow, hanter-kans yn pubonan, ha'ga sostena gans bara ha dowr?

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 19:1

Ahab a leveris dhe Yezebel pup-tra re wrussa Elias, ha fatell ladhsa oll an brofoesi gans an kledha.

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:13

Pan y'n klewas Elias, ev a vaylyas y fas yn y vantell ha mos ha sevel yn entrans an vogow. Ena y teuth lev dhodho a leveris, ‘Pandr'a wredh omma Elias?’

1 Myghternedh 19:14

Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:19

Ytho ev a dhibarthas alena, ha kavoes Elisha mab Shafat, esa owth aras. Yth esa dewdhek yew a oghen a-ragdho, hag yth esa ev gans an dewdhegves. Elias a'n tremenas ha tewlel y vantell warnodho.

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

2 Myghternedh 1:8

I a worthybis, ‘Gwiskys o yn dillasenn a vlew gans grogys a ledher a-dro dh'y gres.’ An myghtern a leveris, ‘Elias an Tishbeyas o henna.’

2 Myghternedh 2:13

Ev a guntellas yn-bann mantell Elias a goedhsa a-dhiworto ha dehweles ha sevel ryb glann an Yordan;

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

1 Kroniklys 20:3

Ev a dhros yn-mes an bobel esa ynni, ha'ga settya dhe oberi gans heskennow ha pigellow a horn ha boelyow; yndella Davydh a wrug dhe oll sitys an Ammonysi. Ena Davydh hag oll an bobel a dhehwelis dhe Yerusalem.

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 26:23

hag i a gyrghas Uria yn-mes a Ejyp ha'y dhri dhe Yehoyakim an myghtern, neb a'n ladhas gans an kledha ha tewlel y gorf marow yn ynkleudhva an bobel gemmyn.

Zekaria 13:4

Y'n jydh na, pub profoes a vydh methek a'y welesigeth, pan wra ev profoesa. Ny wisk mantell blew rag may toello.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Matthew 21:35

Mes an diogyon a dhalghennas y gethwesyon ha kronkya onan, ha ladha onan, ha labydha onan arall.

Matthew 3:4

Ha dhe Yowann yth esa gwisk gwrys a vlew kowrvargh gans grogys a groghen a-dro dh'y dhiwglun, ha'y voes o lokustes ha mel gwyls.

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Luk 13:34

Yerusalem, Yerusalem, neb a ladh an brofoesi ha labydha an re yw dannvenys dhis, peskweyth y yeunis vy kuntell dha fleghes war-barth kepar dell guntell yar hy yerigow yn-dann hy eskelli, ha ny vynnsowgh!

Oberow 14:19

Mes Yedhewon dhiworth Antiogh hag Ikonium a dheuth di, ha wosa dendil skoedhyans an routhow i a labydhas Powl ha'y dhraylya mes a'n sita, ow tybi ev dhe vos marow.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

2 Korinthianys 12:10

Rakhenna pes da ov vy, yn gwannder, yn despityansow, yn edhommow, yn helghyans ha kaletteryow rag Krist; rag gwann pan ov vy, ena galloesek ov.

Ebrowyon 11:25

ow tewis, yn le hemma, kevrenna tebel dhyghtyans pobel Duw kyns es lowenhe pols yn plesour peghosow.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’