Ebrowyon 11:35 - An Bibel Kernewek 20234 (Kernewek Kemmyn)

³⁵ Benynes a dhegemmeras aga re varow dre dhasserghyans. Re a veu tormentys, ow nagha godhvos livreson may tassorghens dhe vewnans gwell.

Ebrowyon 11:35 Iomraidhean Croise

Matthew 22:30

Rag y'n dasserghyans ny dhemmedhons, ha nyns yns i res yn demmedhyans, mes yth yns i avel eledh Duw yn nev.

Mark 12:25

Rag i pan dhasserghons a'n re varow, ny dhemmedhons, na ny vydhons demmedhys mes yth ens i avel eledh y'n nevow.

Luk 14:14

ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

Luk 20:36

na hwath ny yllons merwel na fella, rag yth yns i avel eledh, hag yth yns i fleghes a Dhuw, rag i dhe vos fleghes a'n dasserghyans.

Yowann 5:29

hag i a dheu yn-mes; an re a wrug da bys yn dasserghyans bewnans, an re a wrug drog bys yn dasserghyans dampnasyon.

Oberow 22:29

Rakhenna an re neb o parys dh'y apposya a omdennas anodho a-dhistowgh; hag ynwedh an tribun a'n jeva own pan wodhva y vos Roman hag y'n kolmsa.

Oberow 23:6

Ena Powl, ow kodhvos bos re Sadukeow ha re erell Fariseow, a grias y'n konsel, ‘Breder, Farise ov vy, mab Fariseow; yth esov vy ow pos breusys a-dro dhe wovenek dasserghyans an re varow.’

Oberow 24:15

Yma dhymm govenek yn Duw, a waytyons i aga honan ynwedh, y fydh dasserghyans hag a'n re ewnhynsek hag a'n re gammhynsek.

Oberow 4:19

Mes Peder ha Yowann a worthybis ha leverel dhedha, ‘Mars yw ewn dherag Duw goslowes orthowgh hwi yn le orth Duw, hwi breusewgh;

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

1 Korinthianys 15:54

Ha pan wra an dra bodradow ma omwiska yn anpodredhes, ha'n dra varwel ma omwiska yn anvarwoleth, ena y hwyrvydh an ger yw skrifys, ‘Ankow yw kollenkys yn trygh.’

Filippianys 3:11

war neb kor may hylliv attaynya dasserghyans dhiworth an re varow.