Ebrowyon 11:27 - An Bibel Kernewek 20234 (Kernewek Kemmyn)

²⁷ Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

Ebrowyon 11:27 Iomraidhean Croise

Salmow 16:8

My re worras an Arloedh prest a-dheragov; drefenn y vos ev a'm leuv dhyghow, ny drebuchyav.

Eksodus 11:8

Hag oll dha servysi ma a wra diyskynna dhymm, hag omblegya dhymm, ow leverel, “Kewgh dhe-ves, ha'n bobel oll a'th hol.” Ha wosa henna yth av yn-mes.’ Hag ev eth a-dhiworth Faro yn sorr toemm.

Eksodus 12:11

Y'n vaner ma hwi a wra y dhybri: grogysys agas diwglun, agas sandalyow war agas treys ha'gas gwelenn yn agas dorn; ha hwi a wra y dhybri yn unn fyski. Pask an Arloedh yw.

Eksodus 12:50

Yndella y hwrug mebyon Ysrael oll; dell worhemmynnis an Arloedh dhe Moyses hag Aron, yndella i a wrug.

Eksodus 4:19

Hag y leveris an Arloedh dhe Moyses yn Midyan, ‘Ke, dehwel dhe Ejyp, rag marow yw oll an dus a hwila dha vewnans.’

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 24:13

Mes neb a dhur bys yn diwedh, ev a vydh selwys.

Mark 13:13

hag y fydhowgh kesys gans pub den oll a-barth ow hanow vy. Mes neb a dhur bys y'n diwedh, ev a vydh selwys.

Mark 4:17

hag i ny's teves gwreydhenn ynna i aga honan, mes ny wrons pesya mes pols byghan; ena, pan dheffo trobel po helghyans rag an ger, i a drebuch desempis.

Oberow 2:25

Rag yn-medh Davydh anodho, “My a welas an Arloedh prest a-dheragov, drefenn y vos ev a'm parth dhyghow ny vydhav kryghyllys.

1 Korinthianys 13:7

Hi a berth pup-tra, a grys pup-tra, a wayt pup-tra, a wodhev pup-tra.

2 Korinthianys 4:18

drefenn na wren ni vri a'n pyth yw gwelys, mes a'n pyth nag yw gwelys; rag an pyth yw gwelys ny dhur mann, mes an pyth nag yw gwelys a dhur bynitha.

Kolossianys 1:15

Imaj yw ev a'n Duw diwel, an kynsa-genys a greasyon oll;

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 11:1

Lemmyn fydh yw fydhyans y'n traow gwaytys, prov a daklow na welir.

Ebrowyon 11:13

Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Ebrowyon 6:15

Hag yndellma wosa perthi hirneth, ev a dhegemmeras an ambos.

Jamys 5:11

Otta, ni a's gelow gwynnvys, an re a dhuryas; duryans Job re wrussowgh klewes anodho, ha porpos an Arloedh a welsowgh, bos an Arloedh pur druedhek ha pitethus.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,