Ebrowyon 11:25 - An Bibel Kernewek 20234 (Kernewek Kemmyn)

²⁵ ow tewis, yn le hemma, kevrenna tebel dhyghtyans pobel Duw kyns es lowenhe pols yn plesour peghosow.

Ebrowyon 11:25 Iomraidhean Croise

Job 20:5

mayth yw heudh an re dhidhuw berr, hag unn pols byghan yw lowena an debelwas?

Job 36:21

Bydh war, na dreyl dhe dhrog; rag drefenn hemma ty re beu prevys gans galar.

Salmow 47:9

Pennsevigyon an poblow yw omguntellys war-barth, gans pobel Duw Abraham. Rag Duw a'n jeves skoesow an nor, ughelhes yn feur yw ev.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

Ysay 21:4

Ow holonn a's teves penn-dro, degrena re'm dalghennas; an tewlwolow a hwansen re dheuth ha bos skruth dhymm.

Daniel 3:18

Mes hwath mar ny vynn gul yndella, bedhes godhvedhys dhis, A vyghtern, na servyn dha dhuwow, na gul gologhas dhe'n delow owrek a wrussys y dhrehevel.’

Matthew 13:21

Byttegyns nyns eus ganso gwreydhenn ynno y honan hag ev ny bes saw pols byghan, ha pan dheffo trobel po helghyans drefenn an ger, ev a drebuch desempis.

Luk 16:25

Mes Abraham a leveris, “Flogh, porth kov ty dhe dhegemmeres dha bythow da y'th vewnans, ha Lazarus y'n keth vaner an droktaklow; mes lemmyn konfortys yw ev, mes ty yw tormentys.

Oberow 7:34

My re welas arwask ow fobel yn Ejyp, ha my re's klewas ow kyni, ha my re dheuth yn-nans rag aga sawya; lemmyn, deus, dha dhannvon dhe Ejyp a wrav.”

Romanyon 5:3

Dres henna, ni a bost yn agan galarow, ow kodhvos galar dhe dhri perthyans,

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 11:37

Labydhys vons, heskennys vons yn dew, ledhys vons dre gledha; i a gerdhi yn kreghyn deves ha gever, edhommek, duwenhes, tebeldhyghtys

Ebrowyon 4:9

Ytho yma powes an sabot gesys hwath rag pobel Duw;

Jamys 1:20

Rag ny wra sorr gour avonsya ewnder Duw.

Jamys 5:5

Hwi re vewas yn es hag yn plesour war an dor; hwi re vagas agas kolonn yn dydh ladhva.

1 Peder 2:10

Ny vewgh hwi pobel seulabrys, mes lemmyn pobel Duw owgh hwi. Ny dhegemmersowgh piteth, mes lemmyn piteth re dhegemmersowgh.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”