Ebrowyon 11:16 - An Bibel Kernewek 20234 (Kernewek Kemmyn)

¹⁶ Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 11:16 Iomraidhean Croise

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 4:5

‘may kryssons an Arloedh Duw aga thasow, Duw Abraham, Duw Ysak, ha Duw Yakob dhe omdhiskwedhes dhis.’

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Mark 12:26

Hag a-dro dhe'n re varow, i dhe vos drehevys, a ny redsowgh yn lyver Moyses, a-dro dhe'n bos, fatell gewsis Duw dhodho, ow leverel, My yw Duw Abraham, ha Duw Ysak, ha Duw Yakob?

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Luk 20:37

Moyses y honan a dhiskwedhas y'n derivas a-dro dhe'n bos an re varow dhe vos drehevys, pan gews ev a'n Arloedh avel Duw Abraham, ha Duw Ysak, ha Duw Yakob.

Yowann 14:2

Yn chi ow Thas yma lies trigva. Mar ny ve, a wrussen vy leverel dhywgh my dhe vos dhe bareusi tyller ragowgh?

Oberow 7:32

“Duw dha dasow ov vy, Duw Abraham hag Ysak ha Yakob.” Mes Moyses a grenas, ha ny vedhas mires.

Filippianys 3:20

Rag yma agan sita y'n nevow, ha ni a wayt gans mall Selwador dhiworti, an Arloedh Yesu Krist,

2 Timothi 4:18

An Arloedh a wra ow delivra dhiworth pub drogober hag ow sawya rag y wlaskor nevek. Dhodho ev re bo gordhyans trank heb worfenn. Amen.

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.

Ebrowyon 11:10

Rag y hwaytya an sita hag a's tevo selveyn, ha'n pennser ha'n byldyer anedhi yw Duw.

Ebrowyon 11:14

Rag an re a gews yndellma a dhiskwa yn kler aga bos ow hwilas mammvro.

Ebrowyon 11:40

drefenn Duw dhe ragweles tenkys gwell ragon, na vedhens gwrys perfydh hebon ni.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Ebrowyon 13:14

Rag omma ny'gan beus sita a dhur, mes y hwilyn an sita dhe dhos.

Ebrowyon 2:11

Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.